Surendaranagar, તા.2
ધ્રાંગધ્રા તાલુકાના ગોપાલગઢ ગામની સીમમાંથી પોલીસે જુગાર રમતા છ શખ્સોને ઝડપી પાડ્યા છે. પોલીસે તેમની પાસેથી 58,500 રૂપિયા રોકડા જપ્ત કર્યા છે અને કાયદેસરની કાર્યવાહી હાથ ધરી છે.
ધ્રાંગધ્રા તાલુકા પોલીસ મથકનો સ્ટાફ પેટ્રોલીંગમાં હતો તે દરમિયાન તેમને બાતમી મળી હતી કે ગોપાલગઢ ગામની સીમમાં કેટલાક શખ્સો ગંજીપાના વડે જુગાર રમી રહ્યા છે. આ બાતમીના આધારે ઇનચાર્જ પીઆઇ એન.એચ. ચુડાસમા, પી. પી. ખુંટી, વિક્રમભાઈ રબારી, નરેશભાઈ ભોજિયા સહિતના સ્ટાફે દરોડો પાડ્યો હતો.
પોલીસે જુગાર રમતા વિષ્ણુભાઈ જસરાજભાઈ થરોડા (રહે: રણમલપુર), રમેશભાઈ ધનજીભાઈ પટેલ (રહે: રણમલપુર), લાલજીભાઈ નારાયણભાઈ કણઝરીયા (રહે: માલણીયાદ), સુરેશભાઈ વિનોદભાઈ પરમાર (રહે: માલણીયાદ), દયારામ ઉર્ફે ભૂરો બાબુભાઈ ધામેચા (રહે: ગોપાલગઢ) અને ભુપતભાઈ ગોવિંદભાઈ કટેસિયા (રહે: પીપળા) ને ઝડપી પાડ્યા હતા.તમામ જુગારીઓ પાસેથી કુલ 58,500 રૂપિયા રોકડા જપ્ત કરવામાં આવ્યા હતા. પોલીસે આ મામલે ગુનો નોંધી આગળની કાયદેસરની કાર્યવાહી હાથ ધરી છે.
