New Delhi, તા.8
મધ્ય પૂર્વનું યુધ્ધ કાયમી ધોરણે સમાપ્ત થવાની આશાની વિપરીત ફરી વખત સામસામા હુમલા થતાં વૈશ્વિક માર્કેટો પર અસર પડી હતી. ક્રુડતેલનો ભાવ ફરી 100 ડોલરને વટાવી ગયો હતો અને કરન્સી માર્કેટ પણ દબાણ હેઠળ આવી ગયું હતું.
અમેરિકા-ઇરાન યુધ્ધમાં સમજુતીનો નિર્ણાયક સમય પસાર થવા છતાં સમાધાન જાહેર થયું નથી અને તેવા સમયે હોર્મુઝમાં હુમલા વચ્ચે ફરી વખત યુધ્ધ જેવો માહોલ ઉભો થતાં વિવિધ માર્કેટમાં ગભરાટ સર્જાયો હતો.
સૌથી તીવ્ર અસર ક્રૂડતેલ માર્કેટ પર પડી હતી. સમજુતીના આશાવાદ હેઠળ બે દિવસથી ક્રૂડમાં ગાબડા હતા. ગઇકાલે બ્રેન્ટ ક્રૂડનો ભાવ 100 ડોલરની નીચે ઉતરી ગયો હતો. પરંતુ આજે ફરી ભડકો થતાં તે ફરી વધીને આજે 101.13 ડોલરે પહોંચી ગયું હતું. બ્રેન્ટ ક્રૂડ 96.12 ડોલરે પહોંચ્યું હતું.
યુધ્ધ અને ક્રૂડની તેજીની અસર કરન્સી માર્કેટ પર પણ જોવા મળી હતી. બે દિવસનીતેજી બાદ ફરી રૂપિયો પટકાયો હતો. આજે પ્રારંભિક કામકાજમાં 30 પૈસાના ઘટાડા સાથે 94.56 થયો હતો. અનિશ્ચિતતા રહેવાનું મનાય છે.
