(રવિ નિમાવત દ્વારા) Morbi તા.૨૫
વાંકાનેર તાલુકાના ભલગામ નજીક ધંધા બાબતનો ખાર રાખી ચાર ઇસમોએ યુવાનને લોખંડ પાઈપ અને ઢીકા પાટું મારી ફ્રેકચર જેવી ઈજા કરી જાનથી મારી નાખવાની ધમકી આપી હતી પોલીસે ફરિયાદ નોંધી વધુ તપાસ હાથ ધરી છે
વાંકાનેર તાલુકાના કોટડાનાયાણી ગામે રહેતા ભરતભાઈ હરજીભાઈ વરૂ (ઉ.વ.૨૫) નામના યુવાને આરોપીઓ વિજયભાઈ બાબુભાઈ ગમારા, અજાણ્યો ઇસમ, વિપુલ મોતીભાઈ ગમારા અને અજાણ્યો ઇસમ એમ ચાર વિરુદ્ધ ફરિયાદ નોંધાવી છે જેમાં જણાવ્યું છે કે ગત તા. ૨૨ જુનના રોજ ફરિયાદી પોતાની પીકઅપ જીજે ૩૬ વી ૩૭૭૬ લઈને પાંચેક વાગ્યે મીતાણા રેક ટાઈલ્સમાં ગયો હતો અને રેક્જીનનો સામાન ભરી અમદાવાદ ખાલી કરવાનો હતો સામાન ભરી છએક વાગ્યે અમદાવાદ ખાલી કરવા ગયો અને ખાલી કરી તા. ૨૩ જુનના સાંજના આઠેક વાગ્યે રાજકોટનો સામાન ભરી રાજકોટ ખાલી કરવા નીકળ્યો હતો ફરિયાદી જે કારખાનામાં ગાડી ભરે છે ત્યાં વિજયભાઈ ગમારા રહે વાછ્કપર તા. ટંકારા વાળાની ગાડી પણ ચાલે છે અને ગાડી ભરવા બાબતે અગાઉ બોલાચાલી થઇ હતી
જેથી ફરિયાદી અમદાવાદથી નીકળ્યો ત્યારે વિજયનો ફોન આવ્યો અને કહ્યું તું વાંકાનેર બાઉન્ડ્રીથી આગળ શક્તિ ટી સ્ટોલ પાસે આવજે ત્યાં આપણે ગાડી ભરવા બાબતે ચર્ચા કરીશું જેથી આશરે અઢી વાગ્યે ફરિયાદી અને વિજયભાઈ ગાડી ભરવા બાબતે વાતચીત કરતા હતા ત્યારે વિજયભાઈએ કહ્યું ટેકટાઈલ્સ કારખાનામાં હવેથી તારી ગાડી ભરવા આવી જોઈએ નહિ જેથી ફરિયાદીએ ગાડી ભરશે કહેતા વિજય એકદમ ખારો થઇ ગયો હતો અને ગાળો આપવા લાગ્યો અને ગાળો બોલવાની ના પાડતા પાછળથી બે માણસો લાકડાના ધોકાથી બંને પગ પર હુમલો કરી દીધો હતો જેમાં એક વ્યક્તિ વિપુલ મોતીભાઈ ગમારા રહે સરાયા તા. ટંકારા વાળો હતો જેને લોખંડ પાઈપ વડે અને એક ઇસમ મોઢે રૂમાલ બાંધેલ હતો જેને ઓળખી શક્યો નથી બંને માર માર્યો હતો અને દેકારો થતા આજુબાજુના માણસો આવી જતા વધુ મારથી બચાવ્યો હતો જતા જતા ધમકી આપી કે હવે પછી તારી ગાડી કારખાને માલ ભરવા આવી તો તને જાનથી મારી નાખશું
આમ ફરિયાદીની ગાડી મીતાણા ગામે આવેલ રેકટાઈલ્સ કારખાનામાં ચાલતી હોય અને વિજયભાઈની ગાડી ચાલતી હોવાથી તે બાબતનું મનદુઃખ રાખી વિજયભાઈ, વિપુલ ગમારા અને બે અજાણ્યા ઇસમોએ લાકડીના ધોકા અને પાઈપ વડે માર મારી ઈજા કરી જાનથી મારી નાખવાની ધમકી આપી હતી વાંકાનેર તાલુકા પોલીસે ફરિયાદ નોંધી તપાસ ચલાવી છે
