America, તા.10
અમેરિકામાં બે કિશોર વયનાં ટેનિસ ખેલાડીઓના વાહન અકસ્માતમાં મોત નીપજ્યું હોવાના આરોપમાં ભારતીય મૂળના અમનદીપ સિંહને 25 વર્ષની જેલની સજા ફટકારવામાં આવી છે. અમનદીપ પર દારૂ પીને 150 કિલોમીટર પ્રતિ કલાકની ઝડપે ગાડી ચલાવવાનો આરોપ હતો. શુક્રવારે, અમનદીપ સિંહને લોંગ આઇલેન્ડના મિનેઓલામાં મહત્તમ 25 વર્ષ અને ઓછામાં ઓછી આઠ વર્ષ અને ચાર મહિનાની સજા ફટકારવામાં આવી હતી.
પીડિતોના પરિવારે કોર્ટમાં તેમના પ્રત્યે ગુસ્સો વ્યક્ત કર્યો હતો. ભારતીય શખસે આ દરમિયાન કહ્યું કે “મારા પ્રત્યેનો તમારો ગુસ્સો સંપૂર્ણપણે સમજી શકાય તેવો અને સંપૂર્ણપણે વાજબી છે, આ બધી મારી ભૂલ હતી,” સિંહે ન્યાયાધીશ હેલેન ગુગર્ટીને કહ્યું.
બાળક ગુમાવવું એ સૌથી મોટું દુ:ખ છે. મેં બહુ મોટું પાપ કર્યું છે. જો કોઈ મર્યું હોત, તો તે હું હોવો જોઈતો હતો.” સજાની પ્રક્રિયા જોવા માટે આવેલા પીડિતોના સમર્થકોની ભીડ એટલી મોટી હતી કે તેમના માટે બે વધારાના કોર્ટ રૂમ ખોલવામાં આવ્યા હતા.
ગુગર્ટી દ્વારા આપવામાં આવેલી સજા મુજબ, ભારતીય શખસને પેરોલ માટે વિચારણા કરતા પહેલા ઓછામાં ઓછી સજા ભોગવવી પડશે, જે અન્ય બાબતોની સાથે જેલમાં તેમના વર્તન પર આધારિત હશે. જો તે પેરોલ માટે લાયક ન હોય, તો તેની મુદત 25 વર્ષ સુધી વધારી શકાય છે. 36 વર્ષીય સિંહ એક કંસ્ટ્રક્શન કંપનીમાં પ્રોજેક્ટ મેનેજર તરીકે કામ કરતો હતો.
નાસાઉ જિલ્લા ફરિયાદી એન ડોનેલીએ જણાવ્યું હતું કે મે 2023માં એક રાત્રે, સિંહે 65 કિલોમીટર પ્રતિ કલાક ગતિ મર્યાદા ક્ષેત્રમાં 150 કિલોમીટર પ્રતિ કલાકની ઝડપે પોતાનો ડોજ રામ ટ્રક ખોટી દિશામાં ચલાવ્યો હતો. તેણે ચાર કિશોરો જેમા મુસાફરી કરી રહ્યા હતા.
એ આલ્ફા રોમિયો કારને ટક્કર મારી હતી, જેમાંથી બે આ અકસ્માતમાં બચી ગયા અને બેના મોત નીપજ્યા હતા. તેણે કહ્યું કે તે કચરાના ડમ્પસ્ટર પાસે છુપાયેલો પકડાયો હતો. મેડિકલ ટેસ્ટમાં તેના લોહીમાં આલ્કોહોલનું સ્તર 0.15 ટકા હતું, જે 0.8 ટકાની મર્યાદા કરતાં લગભગ બમણું હતું, અને તેનામાં કોકેઈનના અંશ હતા.
