તું શું અહીં જોવા આવી છો કહી ધમકાવનાર પાડોશી માતા-પુત્ર વિરુદ્ધ ફરિયાદ
Rajkot,તા.15
શહેરના નાના મૌવા રોડ પર પાડોશીને જાનથી મારી નાખવાની ધમકી આપનાર પરિણીતા અને તેના પુત્ર વિરુદ્ધ માલવિયાનગર પોલીસમાં ફરિયાદ નોંધાઈ છે. વિજ્ઞાન જાથાની ટીમ આવતા બહાર જોવા નીકળેલ માતા-પુત્રને તું શું અહીં જોવે છે કહી ધમકી આપી હતી.
મામલામાં નાના મૌવા મેઈન રોડ પર મેંઘમાયા નગરમાં રહેતા ભાવનાબેન જેનીશભાઈ ભોજાણી(ઉ.વ. ૩૪) નામની મહિલાએ માલવિયાનગર પોલીસમાં નોંધાવેલી ફરિયાદમાં નીતાબેન જેનીશભાઈ ભોજાણી અને ઉમંગ દિનેશભાઇ ભોજાણીનુ નામ આપતા જણાવ્યું હતું કે પતિનું દોઢેક વર્ષ પહેલા અવસાન થયેલ છે.અમારી બાજુમા રહેતા નિતાબેન દિનેશભાઇ ભોજાણીના ઘરે વિજ્ઞાન જાથાવાળા આવેલ હતા. ત્યારે હું પણ બહાર જોવા માટે નિકળેલ હતી. આ દરમ્યાન નિતાબેન દિનેશભાઈ ભોજાણી મારી સામે એકી ટસે જોવા લાગેલ અને કહેવા લાગેલ કે તુ અહીં શું જોવા માટે આવી છે. તુ અહીંથી જતી રહે કહી મારી સાથે ઝગડો કરવા લાગેલ હતા. દરમિયાન મારા બંન્ને દિકરા પણ બહાર આવેલ અને મેં ઝગડો કરવાની ના કહેલ હતા. બાદમાં નિતાબેનનો દીકરો ઉમંગ દિનેશભાઈ ભોજાણી પણ આવી ગયેલ હતો અને તે પણ મારી સાથે ઝગડો કરવા લાગેલ હતો. ઝગડાને પગલે માણસો ભેગા થઇ જતાં બંન્ને જણા મને કહેવા લાગેલ કે તુ અહીંથી જતી રહે નહી તો તને જાનથી મારી નાખીસ અને તારા દિકરાને પણ મારી નાખીસ. જેથી હું તથા મારા બંન્ને દિકરા અમારા ઘરે જતા રહેલા હતા બાદમાં નિતાબેન તથા તેનો દિકરો ઉમંગ બંન્ને જણા મને અવાર નવાર હેરાન પરેશાન કરી મારી નાખવાની ધમકી આપતા હોય અંતે માલવિયાનગર પોલીસમાં ફરિયાદ નોંધાવી હતી.
