Washington તા.15
USમાં ટ્રમ્પ શાસનના આગમન બાદ જે રીતે ગેરકાનુની વસાહતીઓને પરત મોકલવાની ઝુંબેશ શરુ કરાઈ હતી અને તેમાં હજારો ભારતીયોને પરત મોકલાશે તેવી ચર્ચા હતી તે વચ્ચે અત્યાર સુધીમાં અમેરિકામાં ફકત 388 ભારતીયો ગેરકાનુની રીતે રહેતા હોવાનું જાહેર થયા બાદ તેઓ તમામ ભારત પરત આવી ગયા છે.
તાત્કાલીક હવે કોઈ અમેરિકામાંથી ભારતીયોને ડિપોર્ટ કરે તેવા કોઈ સંકેત નથી. જો કે અમેરિકી ઈમીગ્રેશનના સૂત્રોના જણાવ્યા મુજબ રાષ્ટ્રીયતા અંગેની ચકાસણી હાલ ચાલુ છે અને જો ગેરકાનુની રીતે અમેરિકામાં રહેતા હોય તેને વહેલા કે મોડા પરત જવુ જ પડશે. પછી તે થોડા હજાર હોય કે લાખો હોય પરંતુ અમેરિકામાં બે થી સાત લાખ જેટલા ભારતીયોની ચકાસણી થઈ રહી હોવાનું માનવામાં આવે છે.
તેમાં જે લોકો પુરતા દસ્તાવેજ વગર અમેરિકામાં રહેતા હોય તેઓને હાલ વોચ પર મુકાયા છે. આ અંગે અમેરિકી તંત્ર અને ભારતીય દૂતાવાસ બંને સંયુક્ત રીતે આ ગેરકાનુની નાગરિકોની ઓળખ પ્રસ્થાપીત કરી રહી છે.
