કલેક્ટર કચેરી નજીક જુગાર રમતા છ શખ્સની રૂ.૨૩ હજાર સાથે ધરપકડ
Rajkot,તા.27
શહેરમાં બે સ્થળે જુગારના દરોડા પાડવામાં આવ્યા છે જેમાં સદર વિસ્તારમાં આવેલા ઠક્કરબાપા હરીજન વાસમાં મકાનમાં અને કલેકટર કચેરીની સામે આવેલા સરકારી ક્વાર્ટર નજીક પ્ર. નગર પોલીસની ટીમે દરોડો પાડી જુગાર રમતી પાંચ મહિલા સહિત ૧૬ પતા પ્રેમીને ઝડપી લઇ, જુગારના પટમાંથી રૂ.૪૨ હજારની રોકડ કબ્જે કરી છે.
તહેવારો નજીક આવી રહ્યા છે ત્યારે જાણે જુગારને મોસમ પુર બહારમાં ખીલી છે ત્યારે પ્ર. નગર પોલીસની ટીમ પેટ્રોલિંગમાં હતી તે દરમિયાન તેઓને બાતમી મળી હતી કે, સદર વિસ્તારમાં આવેલા ઠક્કરબાપા હરિજન વાસ શેરી નંબર ૦૬ માં રહેતા રાજેશ ભીખુભાઈ ગોહેલ તેના મકાનમાં જુગારધામ ચલાવી રહ્યો છે. પોલીસે મકાનમાં દરોડો પાડી જુગાર રમતો રાજેશ ગોહેલ સહિત શંકર મીઠાભાઈ શિંગાળા, મહેશ જીવાભાઈ મકવાણા, રામજી પ્રેમજીભાઈ બેલડીયા ,આકાશ ગણપતભાઈ પરમાર ,પ્રભાબેન રાજેશભાઈ ગોહેલ ,કાજલબેન મહેશભાઈ મકવાણા ,કૃપાબેન મુકેશભાઈ મકવાણા ,ચંદાબેન ગણપતભાઈ પરમાર અને અંબિકા બેન શંકરભાઈ શિંગાળા નામના પતા પ્રેમીઓને ઝડપી લઇ, જુગાર ના પટમાંથી રૂ.૧૯ હજારની રોકડ સાથે ઝડપી લીધા છે તેમજ પ્ર. નગર પોલીસ ની ટીમે શ્રોફ રોડ કલેકટર કચેરી સામે આવેલા સરકારી ક્વાર્ટરની નજીક જાહેરમાં જુગાર રમતા રણજીતભાઈ રતિલાલભાઈ મકવાણા ,રાહુલ પરષોત્તમભાઈ નૈયા ,રાહુલ બીપીનભાઈ પરમાર ,સાગર ગોપાલભાઈ સાહી ,ભુપેન્દ્ર રાજેશભાઈ ગોહેલ અને વિમલ રમેશભાઈ રાઠોડ નામના શખ્સોને રૂ. ૨૩ ૯૦૦ની રોકડ સાથે ઝડપી લીધા છે.
