અદાણી ગ્રીન એનર્જીની વાર્ષિક ધોરણે ક્ષમતા ૨૭% વધીને ૨૦.૧ ગીગાવોટ થવા
સાથે અત્યાર સુધીનો સૌથી વધુ ત્રિમાસિક એબિડટા1 રૂ. ૪,૧૨૨ કરોડ હાંસલ થયો.
Ahmedabad,તા.31
ભારતની સૌથી મોટી અને સૌથી ઝડપથી વિકસતી પ્યોર-પ્લે રિન્યુએબલ એનર્જી (RE) કંપની, અદાણી ગ્રીન એનર્જી લિ. (AGEL) એ ૩૦ જૂન ૨૦૨૬ ના રોજ પૂરા થતા નાણાકીય વર્ષ-૨૭ના પ્રથમ ત્રિમાસિકમાં કામકાજ અને નાણા વિષયક પરિણામો જાહેર કર્યા છે.
સમીક્ષાના ગાળામાં ઊર્જાનું વેચાણ ક્ષમતામાં વધારાના કારણે ૩૦% વધીને ૧૩,૬૫૭ મિલિયન યુનિટ થયું છે. આ ગાળામાં ૨૦.૧ ગીગાવોટની સ્થાપિત ક્ષમતા થઇ છે જે ગત વર્ષના સરખા ગાળાની ૧૫.૮ ગીગાવોટની તુલનામાં ૨૭% નો વધારો દર્શાવે છે. અહેવાલના સમય દરમિયાન ખાવડામાં ૧,૯૭૨ MWh2ની કમિશન્ડ BESS ક્ષમતાએ કુલ સ્થાપિત ક્ષમતાને ૩,૫૫૧ MWh2 પર પહોંચાડી છે. ભારતીય વીજ ક્ષેત્રમાં સતત પાંચમા વર્ષે કંપનીનો CRISIL ESG સ્કોર ૬૬ થી ૬૯ સુધી સુધર્યો છે.
અહેવાલના સમયમાં ઊર્જા વેચાણ વાર્ષિક ધોરણે 30% વધીને ૧૩,૬૫૭ મિલિયન યુનિટ થયું છે. વીજ પુરવઠામાંથી આવક વાર્ષિક ધોરણે ૨૯% વધીને રૂ. ૪,૨૮૦ કરોડ થઇ છે. વીજ પુરવઠામાંથી વાર્ષિક ધોરણે એબિડટા ૩૩% વધીને રૂ. ૪,૧૨૨ કરોડ હાંસલ કરવા સાથે ઉદ્યોગ પ્રેરીતએબિડટા માર્જિન ૯૪% પ્રાપ્ત કર્યો છે. જ્યારેવાર્ષિક ધોરણે રોકડ નફો ૨૮% વધીને રૂ. ૨,૨૨૫ કરોડ થયો છે. અદાણી ગ્રીન એનર્જી નાણાકીય વર્ષ 2030 સુધીમાં પ્રતિ કલાક ૫0,000 મેગાવોટના તેના લાંબા ગાળાના લક્ષ્યને હાંસલ કરવા ચાલુ નાણાકીય વર્ષના અંત સુધીમાં ૫ ગીગાવોટ નવીનીકરણીય ઊર્જા અને પ્રતિ કલાક ૧૦,000થી વધુ BESSની ક્ષમતાની ગ્રીનફિલ્ડ ક્ષમતા ઉમેરવાની દીશામાં કાર્ય કરી રહી છે.
અદાણી ગ્રીન એનર્જીના મુખ્ય કારોબારી અધિકારી શ્રી આશિષ ખન્નાએ જણાવ્યું હતું કે “અમે ચાલુ નાણાકીય વર્ષની શરૂઆત
શિસ્તબદ્ધ અમલીકરણ અને મજબૂત ગતિ સાથે કરી હોવાના કારણે કંપનીના ૨૦ ગીગાવોટના સીમાચિહ્નને વટાવવામાં સફળ થયા છીએ. આ ગાળામાં ભારતમાં વીજળીની માંગમાં વધારો થતાં વિસ્તરી રહેલા અમારા નવીનીકરણીય ઊર્જા પોર્ટફોલિયોએ દેશની વધતી જતી સ્વચ્છ ઊર્જા જરૂરિયાતોને વિશ્વસનીય રીતે પૂર્ણ કરવામાં અમોને સક્ષમ બનાવ્યા છે..
તેમણે કહ્યું હતું કે એક જ સ્થળેકાર્યાન્વિત કરેલી વિશ્વની સૌથી મોટી પૈકીની એક બેટરી એનર્જી સ્ટોરેજસિસ્ટમમાં આ સમય દરમિયાન પ્રતિ કલાક ૧,૯૭૨ મેગાવોટ ક્ષમતા ઉમેરી છે આ સાથે અમારી કુલ સ્થાપિત BESS ક્ષમતા પ્રતિ કલાક ૩,૫૫૧ થઇ છે. નવીનીકરણીય ઉર્જાની સ્વીકાર્યતા અને અને વીજળીની માંગ વધતી રહેશે તે પ્રમાણે આ સ્ટોરેજ સિસ્ટમ ચોવીસ કલાક મેગાવોટ વિશ્વસનીયતા અને ગ્રીડ સ્થિરતાને સુનિશ્ચિત કરવામાં મહત્વપૂર્ણ ભૂમિકા ભજવશે. તેમણે ઉમેર્યું હતું કે કંપનીના નવીનીકરણીય ઉત્પાદન પોર્ટફોલિયો અને પમ્પ્ડ હાઇડ્રો સ્ટોરેજની પહેલ સહિત સ્ટોરેજ ક્ષમતા સાથે, અમે એક સ્થિતિસ્થાપક, લવચીક અને ભવિષ્ય માટે તૈયાર ચોવીસ કલાક નવીનીકરણીય ઇકોસિસ્ટમનું નિર્માણ કરી રહ્યા છીએ. તેમણે વિશ્વાસ વ્યક્ત કર્યો હતો તે લાંબા ગાળાની ઊર્જા સુરક્ષાને મજબૂત કરતી વેળા ભારતના ઊર્જા સંક્રમણને વેગ આપવામાં મદદ કરશે.
ક્ષમતા વિસ્તરણ અને મજબૂત કામકાજના કારણે કંપનીએ આવક અને એબિડટામાં મજબૂત વૃદ્ધિ હાંસલ કરી છે. આ ગાળામાં વાર્ષિક ધોરણે ઉત્પાદન ૨૭% વધીને ૨૦,૧૪૨ મેગાવોટ થયું છે. વાર્ષિક ધોરણે ૪,૩૨૭ મેગાવોટ નો ગ્રીનફિલ્ડ ઉમેરો થયો છે. આ સમય દરમિયાન ૮૪૮ મેગાવોટ ક્ષમતા વધી હતી.
અદાણી ગ્રીન એનર્જી સોલ્યુશન્સે વાર્ષિક ધોરણે ૪,૩૨૭ MW ગ્રીનફિલ્ડ ક્ષમતા ઉમેરી છે જેમાં ગુજરાતના ખાવડામાં ૨,૬૬૨ અને રાજસ્થાનમાં ૩૮૯ મેગાવોટ મળી કુલ ૩,૦૫૧ મેગાવોટ સૌર. તેમજ ખાવડામાં ૬૮૪ મેગાવોટ પવન ક્ષમતા અને ૫૯૨ મેગાવોટ સૌર-પવન હાઇબ્રિડ ક્ષમતાનો સમાવેશ થાય છે.
નવી ગ્રીનફિલ્ડ ક્ષમતા અને મજબૂત કામગીરીને કારણે વાર્ષિક ધોરણે ઉર્જા વેચાણ ૩૦% વધીને ૧૩,૫૭ મિલિયન યુનિટ થયું છે. કંપનીના કાર્યક્ષમ કામકાજ અને અદ્યતન ટેકનોલોજી દ્વારા સંચાલિત જાણવણી તથા એનર્જી નેટવર્ક ઓપરેશન સેન્ટરને દેશભરમાં નવીનીકરણીય પ્લાન્ટ્સનું વાસ્તવિક સમયનું નિરીક્ષણ સક્ષમ બનાવે છે. જેના કારણે માત્ર સતત ઉચ્ચ પ્લાન્ટ ઉપલબ્ધતા જ નહીં, પણ કામકાજ અને જાળવણીના ખર્ચમાં પણ ઘટાડો થયો છે. પરિણામે ઉદ્યોગ-પ્રેરીત એબિડટા માર્જિન ૯૪% થયો છે.
