Tamil Nadu, તા.5
તામિલનાડુમાં ટીવીકે સરકારે ચુંટણી સમયે મહિલાઓને રેશમની સાડી અને એક સોનાનો સિકકો આપવાનું જે વચન આપ્યુ હતું તે પુરુ કરવા માટે રાજય સરકારે તેના બજેટમાં રૂા.812 કરોડની જોગવાઈ કરી છે.
આજે વિધાનસભામાં રાજયના નાણામંત્રી એન.એમ.વિલ્સન એ બજેટ રજુ કર્યુ હતું અને તેમાં આ મહત્વની જોગવાઈ કરી હતી તથા તામિલનાડુ એક સમૃદ્ધ રાજય બનાવવાની જાહેરાત કરી હતી.
મુખ્યમંત્રી વિજય અને ચુંટણી સમયે જે રેશમની સાડી અને સોનાનો સિકકો આપવાની જાહેરાત કરી હતી તે માટે પ્રથમ વખત આ પ્રમાણે જોગવાઈ કરી છે અને તેનો અમલ ટુંક સમયમાં શરુ થઈ જશે.
એટલુ જ નહી રાજયના વિકાસ માટે હવે અનેક મહત્વપૂર્ણ બજેટ ફાળવાયા છે. રૂા.560 કરોડની રકમ રાજયની સરકારી હોસ્પિટલોમાં જન્મતી બાળકીઓ એટલે કે છોકરીઓને સોનાની રિંગ આપવા માટે ખર્ચવામાં આવશે.
