(નયના દવે દ્વારા)
Jamnagar તા.૩૧
જામનગર, તા. ૩૧ જામનગર જિલ્લા પોલીસ દ્વારા જુગારની પ્રવૃત્તિઓ સામે હાથ ધરવામાં આવેલી કાર્યવાહી દરમિયાન વિવિધ પોલીસ મથક વિસ્તારોમાં કુલ ૮ દરોડા પાડી તીનપત્તી રોન-પોલીસ તથા વર્લી મટકાનો જુગાર રમતા શખ્સોને ઝડપી લેવામાં આવ્યા હતા. જુદા જુદા દરોડાઓમાં કુલ રૂ. ૯૭,૧૫૦નો રોકડ મુદ્દામાલ કબજે કરવામાં આવ્યો છે.
મેઘપર-પડાણા પોલીસ મથકના બે દરોડા
મેઘપર(પડાણા) પોલીસે ઝાખર ગામની જૂની સોસાયટી વિસ્તારમાં જાહેરમાં તીનપત્તી રોન-પોલીસનો જુગાર રમતા અર્જુનસિંહ ભરતસિંહ જાડેજા અને દિવ્યરાજસિંહ સંજયસિંહ જાડેજાને ઝડપી લઈ તેમની પાસેથી રૂ. ૧૧,૦૦૦નો રોકડ મુદ્દામાલ કબજે કર્યો હતો.
ત્યારબાદ ન્યૂ પડાણા રેસીડેન્સી પાસે વાડીવાળા રસ્તે સ્ટ્રીટલાઇટના અજવાળે રમાતા જુગાર પર દરોડો પાડી દિલીપભાઈ ખેતાભાઈ મકવાણા, મહેશભાઈ નથુભાઈ મકવાણા, વનરાજભાઈ દેવાભાઈ મકવાણા, કિશોરપુરી પ્રેમપુરી ગોસ્વામી, રાણાભાઈ ભીખાભાઈ વાઘેલા, હરેશભાઈ દાનાભાઈ કટારીયા, રવિરાજસિંહ ચંદ્રસિંહ ગોહિલ અને દેસરાજ સુરેન્દ્રસિંઘ શીખને ઝડપી લેવામાં આવ્યા હતા. આ દરોડામાં રૂ. ૧૦,૭૦૦ રોકડા મળી આવ્યા હતા.
પંચકોશી એ ડિવિઝન પોલીસના બે જુગારના દરોડા
મીઠાવેઢા ગામ (બજરંગપુર) ખાતે ઉન નંદીના કાંઠે જાહેરમાં તીનપત્તી રોન-પોલીસનો જુગાર રમતા ડાયાભાઈ જીવાભાઈ ચીરોડિયા, નિલેષભાઈ પ્રેમજીભાઈ ચાંગાણી, મનસુખભાઈ ધનજીભાઈ ચાંગાણી, જીગ્નેશભાઈ મનસુખભાઈ દેવમુરારી, નરેશભાઈ ભીખાભાઈ સદાડિયા અને જયેશભાઈ ગોકળભાઈ ઘાડિયાને ઝડપી લઈ રૂ. ૩૧,૨૦૦નો રોકડ મુદ્દામાલ કબજે કરવામાં આવ્યો હતો.
આ ઉપરાંત જામનગર-રાજકોટ હાઈવે પર ટોયોટો કારના શોરૂમ આગળ પાલાણી ટ્રાન્સપોર્ટ સામે વર્લી મટકાના આંકડા લખી પૈસાની હારજીતનો જુગાર રમતા રવિરાજસિંહ ઉર્ફે ભુરો દિલીપસિંહ ઝાલાને ઝડપી લેવામાં આવ્યો હતો. તેની પાસેથી રૂ. ૩૨૦ રોકડા તથા જુગારનું સાહિત્ય કબજે કરાયું હતું.
લાલપુર પોલીસના ત્રણ જુગારના દરોડા
લાલપુર પોલીસે બબરઝર ગામની કોટડા સીમમાં તીનપત્તી રોન-પોલીસનો જુગાર રમતા નરેશભાઈ વિરજીભાઈ ચાવડા, પ્રદીપભાઈ ધરમશીભાઈ રૂપારેલ, નથુભાઈ માલદેભાઈ ગાગીયા અને પોપટભાઈ રામાભાઈ ગાગીયા સામે કાર્યવાહી કરી રૂ. ૧૧,૪૫૦નો મુદ્દામાલ કબજે કર્યો હતો.
બબરઝર ગામની કોટડા સીમમાં જ અન્ય એક દરોડા દરમિયાન રાજેશ હરજીભાઈ ત્રિવેદી, દયાળજી ગોપાલભાઈ પાઠક, પરષોતમ ગોકળભાઈ પાઠક, ભીખાભાઈ મેરકભાઈ લાખોત્રા અને ગોપાલભાઈ દેવજીભાઈ મોકરીયાને તીનપત્તી રોન-પોલીસનો જુગાર રમતા ઝડપી લઈ રૂ. ૧૦,૦૧૦નો રોકડ મુદ્દામાલ કબજે કરવામાં આવ્યો હતો.
કરાણા ગામની નિશાળ પાછળ જાહેરમાં તીનપત્તી રોન-પોલીસનો જુગાર રમતા પાંચ શખ્સોને ઝડપી રૂ. ૧૨,૪૨૦નો મુદ્દામાલ કબજે કરવામાં આવ્યો હોવાનું પોલીસ રિપોર્ટમાં નોંધાયું છે. જોકે, ઉપલબ્ધ રિપોર્ટની વિગતોમાં આ પાંચેય આરોપીઓના નામ દર્શાવવામાં આવ્યા નથી.
શેઠવડાળા પોલીસનો દરોડો
શેઠવડાળા પોલીસે મેલાણ ગામમાં જોગમાયા પાન-મસાલાની દુકાન પાસે જાહેરમાં તીનપત્તી રોનનો જુગાર રમતા પ્રફુલભાઈ ઉર્ફે મેજુ બાબુભાઈ હુણ, સંજયભાઈ ઉર્ફે લાલો રૂડાભાઈ હુણ, ખીમાભાઈ જોધાભાઈ છેલાણા, ભરતભાઈ ભીમાભાઈ હુણ અને લાખાભાઈ કારાભાઈ હુણ સામે કાર્યવાહી કરી રૂ. ૧૦,૦૫૦નો રોકડ મુદ્દામાલ કબજે કર્યો હતો. જેમાં ચાર શખ્સોની અટકાયત કરવામાં આવી હતી, જ્યારે એક વયોવૃદ્ધ આરોપીને કાયદાકીય નોટિસ આપવામાં આવી હતી.
આમ જામનગર જિલ્લામાં વિવિધ પોલીસ મથકો દ્વારા જુગારના કુલ ૮ દરોડા પાડી તીનપત્તી રોન-પોલીસ અને વર્લી મટકાનો જુગાર રમતા શખ્સો સામે જુગારધારા હેઠળ ગુનાઓ નોંધી કાર્યવાહી હાથ ધરવામાં આવી છે.
