New Delhi,તા.૧૨
રાષ્ટ્રીય રાજધાની દિલ્હીમાં સુપ્રીમ કોર્ટ મેટ્રો સ્ટેશન પર વરિષ્ઠ નાગરિકો માટે અનામત સીટ માટેનો વિવાદ બાદ થયેલી ઝપાઝપીમાં ૪૮ વર્ષીય પવન શર્માનું મૃત્યુ થયું. પોલીસે આ કેસના સંદર્ભમાં નોઈડાના રહેવાસી પિતા-પુત્ર સંજય પ્રતાપ સિંહ (૬૫) અને સિદ્ધાર્થ સિંહ (૩૬) ની ધરપકડ કરી છે. કોર્ટે બંનેને ૧૪ દિવસની ન્યાયિક કસ્ટડીમાં મોકલી દીધા છે.
સંજય પ્રતાપ સિંહ નિવૃત્ત આઇએએસ અધિકારી છે અને અગાઉ ભ્રષ્ટાચારના કેસમાં ધરપકડ કરવામાં આવી છે. તેમનો પુત્ર સુપ્રીમ કોર્ટનો વકીલ છે. મેટ્રો પોલીસના જણાવ્યા અનુસાર, આ ઘટના ૮ ઓક્ટોબરના રોજ સાંજે ૫ઃ૪૭ વાગ્યે પ્લેટફોર્મ નંબર એક પર બની હતી. પવન તેની માતા દુર્ગા દેવી (૬૫) સાથે યમુના વિહાર જઈ રહ્યો હતો.
સંજય અને સિદ્ધાર્થ મંડી હાઉસ સ્ટેશન પર ટ્રેનમાં ચઢ્યા. પવન અને તેની માતા વરિષ્ઠ નાગરિકો માટે અનામત બેઠકો પર બેઠા હતા. આ બાબતે ઝઘડો થયો, જે ઝપાઝપીમાં પરિણમ્યો. પવન ટ્રેનના ફ્લોર પર પડી ગયો અને માથામાં ગંભીર ઈજાઓ થઈ, જેના કારણે તેનું મૃત્યુ થયું.
સુપ્રીમ કોર્ટ મેટ્રો પોલીસે નોઈડાના સેક્ટર ૪૪ ના રહેવાસી પિતા-પુત્ર સંજય પ્રતાપ સિંહ (૬૫) અને નોઈડાના સેક્ટર ૫૦ ના રહેવાસી સિદ્ધાર્થ સિંહ (૩૬) ની ધરપકડ કરી છે. સંજય પ્રતાપ સિંહ નિવૃત્ત ૈંછજી અધિકારી હોવાનું કહેવાય છે.
મેટ્રો પોલીસના ડેપ્યુટી કમિશનર ડાભી આનંદ દિનેશે જણાવ્યું હતું કે ૮ ઓક્ટોબરના રોજ સાંજે ૫ઃ૪૭ વાગ્યે સુપ્રીમ કોર્ટ મેટ્રો પોલીસ સ્ટેશનને માહિતી મળી હતી કે સુપ્રીમ કોર્ટ મેટ્રો સ્ટેશનના પ્લેટફોર્મ નંબર ૧ પર એક વ્યક્તિ બેભાન થઈ ગયો છે. બેભાન થયેલા વ્યક્તિને તેની માતા સાથે લોક નાયક જય પ્રકાશ હોસ્પિટલમાં લઈ જવામાં આવ્યા હતા. પોલીસ અધિકારીઓએ પહોંચ્યા પછી જાણ કરી કે તે વ્યક્તિ, પવન શર્મા (૪૮) નું મૃત્યુ થઈ ગયું છે.
પ્રારંભિક તપાસમાં જાણવા મળ્યું કે મૃતક તેની માતા દુર્ગા દેવી (૬૫) સાથે યમુના વિહાર તરફ મુસાફરી કરી રહ્યો હતો. સંજય પ્રતાપ સિંહ અને તેનો પુત્ર સિદ્ધાર્થ સિંહ મંડી હાઉસ મેટ્રો સ્ટેશન પર ટ્રેનમાં ચઢ્યા હતા. તે સમયે, મૃતક અને તેની માતા વરિષ્ઠ નાગરિકો માટે અનામત બેઠકો પર બેઠા હતા. મૃતક અને બે આરોપીઓ વચ્ચે સિનિયર સિટીઝન સીટને લઈને વિવાદ થયો હતો, જે પછીથી ઝઘડામાં ફેરવાઈ ગયો. એવો આરોપ છે કે સંજય પ્રતાપ સિંહ અને સિદ્ધાર્થ સિંહે પવન શર્માને માર માર્યો હતો, તેને થપ્પડ મારી હતી અને ધક્કો માર્યો હતો.
તેમણે જણાવ્યું હતું કે મૃતકની માતાના નિવેદનના આધારે, ૯ ઓક્ટોબરના રોજ સુપ્રીમ કોર્ટ મેટ્રો પોલીસ સ્ટેશનમાં ભારતીય દંડ સંહિતાની કલમો હેઠળ હ્લૈંઇ નોંધવામાં આવી હતી. તપાસ દરમિયાન, બે આરોપીઓની ભૂમિકાની તપાસ કરવામાં આવી હતી. તપાસ દરમિયાન મળેલા પુરાવાના આધારે, બંને આરોપીઓની ધરપકડ કરવામાં આવી હતી. બંને આરોપીઓને કોર્ટમાં રજૂ કરવામાં આવ્યા હતા અને ૧૪ દિવસની ન્યાયિક કસ્ટડીમાં મોકલવામાં આવ્યા હતા. મૃતક, પવન, ખાનગી ક્ષેત્રમાં કામ કરતો હતો.
પોલીસ વિવાદનું કારણ, ઝઘડાની ઘટનાઓ અને પવન શર્માને થયેલા માથામાં થયેલી ઈજા અને તેના મૃત્યુ વચ્ચેના જોડાણની તપાસ કરી રહી છે. ઘટના સમયે ટ્રેનમાં હાજર મુસાફરો અને મેટ્રો સ્ટાફ પાસેથી પણ માહિતી એકત્રિત કરવામાં આવી રહી છે. પોલીસ બંને આરોપીઓની ભૂમિકા અને મૃત્યુની આસપાસના સંજોગો સ્થાપિત કરવા માટે ઘટના સંબંધિત પુરાવાઓની તપાસ કરી રહી છે.
પોલીસે જણાવ્યું હતું કે દલીલ દરમિયાન, પવન શર્માને આરોપીઓએ કથિત રીતે થપ્પડ મારી અને ધક્કો માર્યો હતો, જેના કારણે તે પડી ગયો અને તેના માથામાં ઈજા થઈ હતી.એફઆઇઆરમાં જણાવાયું છે કે મેટ્રો કર્મચારીઓ તેને એમ્બ્યુલન્સ દ્વારા લોકનાયક જય પ્રકાશ હોસ્પિટલમાં લઈ ગયા, જ્યાં તેને મૃત જાહેર કરવામાં આવ્યો.
