ઉત્તર-પશ્ચિમ અને ઉત્તરીય ભાગોમાં આગામી ૩-૪ દિવસ સુધી હળવાથી મધ્યમ વરસાદની પ્રબળ સંભાવના છે
New Delhi, તા.૧૩
Delhi-એનસીઆરમાં તેજ પવન અને વાવાઝોડા બાદ હવામાન સંપૂર્ણપણે બદલાઈ ગયું છે. ભારતીય હવામાન વિભાગ એટલે કે ૈંસ્ડ્ઢ એ ૧૩ ઓક્ટોબરના રોજ દિલ્હી, ઉત્તર પ્રદેશ, રાજસ્થાન સહિત દેશના ૨૩ રાજ્યો અને કેન્દ્રશાસિત પ્રદેશોમાં વરસાદનું એલર્ટ જાહેર કર્યું છે.ઉત્તર ભારતમાં અચાનક હવામાને પલટો લીધો છે.
Delhi-એનસીઆરમાં રવિવાર રાતથી જ ઘાટા વાદળો છવાયેલા હતા. ત્યારબાદ મધરાતે આશરે ૭૦ કિલોમીટર પ્રતિ કલાકની ઝડપે ફૂંકાયેલા તેજ પવનો સાથે મૂશળધાર વરસાદ પડ્યો હતો અને આકાશમાં વીજળી ચમકવાનો સિલસિલો શરૂ થયો હતો. દક્ષિણ-પશ્ચિમ ચોમાસાની વિદાય પછી સક્રિય થયેલા એક નવી વેધર સિસ્ટમને કારણે દિલ્હી સહિત પંજાબ, હરિયાણા, હિમાચલ પ્રદેશ અને ઉત્તરાખંડમાં ભારે વરસાદ નોંધાયો છે. હવામાન વિભાગના જણાવ્યા અનુસાર, આગામી દિવસોમાં પણ હવામાનનો આ જ મિજાજ જળવાઈ રહેશે અને ૧૩ ઓક્ટોબર ૨૦૨૬ના રોજ દેશના ૨૩ રાજ્યો અને કેન્દ્રશાસિત પ્રદેશોમાં વરસાદની સંભાવના છે.સિટી ગાઇડ જુઓદિલ્હી-એનસીઆરમાં હવામાનનો મિજાજ બદલાયો છે.
૧૧ તારીખે રાત્રે અને સવારે અનેક વિસ્તારોમાં ભારે વરસાદ પડ્યો હતો. હવામાન વિભાગે વરસાદને ધ્યાનમાં રાખીને રેડ એલર્ટ જાહેર કર્યું હતું. હવે ૧૩ ઓક્ટોબરે પણ રાજધાનીમાં વરસાદના અણસાર છે. આ વરસાદ અને ઠંડા પવનોના કારણે તાપમાનમાં અચાનક ઘટાડો થયો છે અને સવાર-સાંજ હળવી ઠંડીનો અહેસાસ થવા લાગ્યો છે. ૧૩ તારીખે મહત્તમ તાપમાન ૩૩ ડિગ્રીથી ૨૪ ડિગ્રી સેલ્સિયસ વચ્ચે રહેવાની સંભાવના છે. ૧૫ ઓક્ટોબર સુધી ક્યાંક-ક્યાંક વાવાઝોડા, વીજળીના કડાકા અને ૪૦-૫૦ કિમી/કલાકની ઝડપે તેજ પવન ફૂંકાવાનું પૂર્વાનુમાન છે.
પશ્ચિમ ઉત્તર પ્રદેશના અમરોધા, બાગપત, બિજનોર, બુલંદશહેર, ગૌતમ બુદ્ધ નગર, ગાઝિયાબાદ, હાપુર, મેરઠ અને સંભલ સહિતના જિલ્લાઓમાં હળવા વરસાદના અણસાર છે. જ્યારે પૂર્વ યુપીમાં હવામાન સૂકું રહેશે, જોકે ૧૫-૧૬ ઓક્ટોબર દરમિયાન ત્યાં પણ વરસાદ પડી શકે છે.ઉત્તર-પશ્ચિમ અને ઉત્તરીય ભાગોમાં આગામી ૩-૪ દિવસ સુધી હળવાથી મધ્યમ વરસાદની પ્રબળ સંભાવના છે. ૧૩-૧૪ ઓક્ટોબરે બિકાનેર સંભાગ અને શેખાવાટી ક્ષેત્રમાં ૩૦-૪૦ કિમી/કલાકની ઝડપે તેજ પવન ફૂંકાઈ શકે છે.
