New Delhi,તા.૧૫
સેન્ટ્રલ બ્યુરો ઓફ ઇન્વેસ્ટિગેશન (CBI) એ લાંચ કેસમાં મોટી કાર્યવાહી કરી છે અને મ્યુનિશન્સ ઈન્ડિયા લિમિટેડના એક્ઝિક્યુટિવ ડિરેક્ટર અનિલ કુમાર સહિત ત્રણ લોકોની ધરપકડ કરી છે. ધરપકડ કરાયેલા અન્ય આરોપીઓમાં ખાનગી કંપની એસએમપીપી લિમિટેડના સીઇઓ અને ડિરેક્ટર/પ્રમોટર આશિષ કંસલ અને અનિલ કુમારના ભાઈ બી. હર્ષ વર્ધનનો સમાવેશ થાય છે. સીબીઆઇએ ૧૩ ઓક્ટોબર, ૨૦૨૬ ના રોજ આ ધરપકડો કરી હતી.
સીબીઆઇ અનુસાર, આ મામલે ૧૨ ઓક્ટોબર, ૨૦૨૬ ના રોજ કેસ નોંધવામાં આવ્યો હતો. આરોપ છે કે પુણે સ્થિત મ્યુનિશન્સ ઇન્ડિયા લિમિટેડના એક્ઝિક્યુટિવ ડિરેક્ટર અનિલ કુમાર કેટલાક ખાનગી કોન્ટ્રાક્ટરો અને વિક્રેતાઓ સાથે મળીને લાંચ માંગવા અને સ્વીકારવામાં સામેલ હતા. એવો આરોપ છે કે આ વ્યક્તિઓને સરકારી કામમાં કથિત રીતે અનુચિત લાભો આપવામાં આવ્યા હતા.
સીબીઆઇએ પુણેમાં આરોપી અધિકારીના નિવાસસ્થાને દરોડા દરમિયાન ૧.૭૩ કરોડ રોકડ જપ્ત કરી. આ ઉપરાંત, મૈસુરુ, બેંગલુરુ અને દિલ્હીમાં આરોપીના પરિસરમાં દરોડા પાડવામાં આવ્યા હતા. આ દરોડા દરમિયાન આશરે ૫૦ લાખ રોકડા અને કેસ સંબંધિત મહત્વપૂર્ણ દસ્તાવેજો મળી આવ્યા હતા.સીબીઆઇ આ મામલાની વધુ તપાસ કરી રહી છે.,ધરપકડ કરાયેલા આરોપીઓના નામઃ,અનિલ કુમાર, એક્ઝિક્યુટિવ ડિરેક્ટર, મ્યુનિશન્સ ઇન્ડિયા લિમિટેડ,આશિષ કંસલ,સીઇઓ અને ડિરેક્ટર/પ્રમોટર, મેસર્સ એસએમપીપી લિમિટેડ,બી. હર્ષ વર્ધન (અનિલ કુમારના ભાઈ)
અન્ય સમાચારમાં, સીબીઆઈએ પંજાબ સરકારના ૧૫ મુખ્ય વિભાગોમાં પોસ્ટિંગ, ટ્રાન્સફર અને નીતિગત નિર્ણયોમાં ભ્રષ્ટાચારના આરોપોની તપાસ વધુ તીવ્ર બનાવી છે. સીબીઆઇએ સંબંધિત વિભાગો પાસેથી ગુપ્ત ફાઇલો, નોટ શીટ્સ અને સંબંધિત દસ્તાવેજો માંગ્યા છે. હાઈકોર્ટના નિર્દેશો અનુસાર, તપાસ રિપોર્ટ ૪ ડિસેમ્બર, ૨૦૨૬ સુધીમાં સબમિટ કરવાનો છે.
૧૪ ઓક્ટોબરના રોજ, પંજાબ સરકારના કર્મચારી વિભાગે તમામ સંબંધિત વિભાગોને રેકોર્ડ પૂરા પાડવા નિર્દેશ આપ્યો હતો. ગૃહ, મહેસૂલ, આરોગ્ય, ખાદ્ય અને નાગરિક પુરવઠા અને સ્થાનિક સંસ્થાઓ સહિત પંદર વિભાગો આ તપાસના કાર્યક્ષેત્ર હેઠળ છે. આ મામલાનું સંકલન કરવા માટે ખાસ સચિવ ગૌતમ જૈનને નોડલ અધિકારી તરીકે નિયુક્ત કરવામાં આવ્યા છે.
તપાસમાં ભૂતપૂર્વ મુખ્યમંત્રીના ઓએસડી રાજબીર ખુમાણ અને ઝ્રર્સ્ં સાથે સંકળાયેલા અન્ય લોકોની નિમણૂકો અને બદલીઓના રેકોર્ડ પણ માંગવામાં આવ્યા છે. ખાદ્યાન્ન પરિવહન નીતિ, વેર્કાના એસએપી લાઇસન્સ, ટાઉન પ્લાનર ભરતી, મોહાલી અને ઝીરકપુરમાં હાઉસિંગ પ્રોજેક્ટ્સ અને પ્રદૂષણ નિયંત્રણ બોર્ડની મંજૂરીઓ સંબંધિત ફાઇલો પણ તપાસ માટે મંગાવવામાં આવી છે. સીબીઆઇ તપાસ કરી રહી છે કે શું આ કેસોમાં પોસ્ટિંગ, ટ્રાન્સફર અથવા સરકારી નીતિગત નિર્ણયોમાં અનિયમિતતા અને ભ્રષ્ટાચાર થયો છે.
