New Delhi, તા.૬
ઈઝરાયલના રાજકારણમાં મોટો ઉલટફેર! ગાદી આઈસેનકોટના સમર્થનમાં અરબ પક્ષો એકજૂથ, Netanyahuની સત્તા જોખમમાં. ઈઝરાયલના રાજકારણમાં સત્તા પરિવર્તનને લઈને હલચલ તેજ બની છે. વડાપ્રધાન બેન્જામિન નેતન્યાહુ માટે રાજકીય મુશ્કેલીઓ વધી રહી હોવાના અહેવાલો સામે આવ્યા છે. બીજી તરફ, તેમના મુખ્ય હરીફ અને યાશાર પાર્ટીના નેતા ગાદી આઈસેનકોટને સરકાર રચવા માટે વિવિધ રાજકીય પક્ષોનો ટેકો મળી રહ્યો છે.
ઈઝરાયલના રાજકારણમાં સત્તા પરિવર્તનને લઈને હલચલ તેજ બની છે. વડાપ્રધાન બેન્જામિન Netanyahu માટે રાજકીય મુશ્કેલીઓ વધી રહી હોવાના અહેવાલો સામે આવ્યા છે. બીજી તરફ, તેમના મુખ્ય હરીફ અને યાશાર પાર્ટીના નેતા ગાદી આઈસેનકોટને સરકાર રચવા માટે વિવિધ રાજકીય પક્ષોનો ટેકો મળી રહ્યો છે. ખાસ કરીને અરબ પક્ષોના સમર્થનથી નવી સરકાર રચવાની રાજકીય ગણતરીઓમાં મોટો ફેરફાર જોવા મળી રહ્યો છે.ઈઝરાયલની ૧૧ બેઠકો ધરાવતી અરબ રાજકીય પાર્ટી જોઇન્ટ લિસ્ટે ગાદી આઈસેનકોટને સમર્થન આપવાનો નિર્ણય કર્યો છે.
પાર્ટીએ જાહેરાત કરી છે કે તે રાષ્ટ્રપતિ ઈસાક હર્ઝોગ સમક્ષ આગામી વડાપ્રધાન તરીકે આઈસેનકોટના નામની ભલામણ કરશે. આ ઉપરાંત ૮ બેઠકો ધરાવતી રાઆમ પાર્ટીએ પણ અગાઉ આઈસેનકોટના સમર્થનમાં પોતાનું વલણ સ્પષ્ટ કર્યું હતું. રાઆમના વડા મન્સૂર અબ્બાસે નવી સરકારની રચના માટે આઈસેનકોટને ટેકો આપવાની તૈયારી દર્શાવી છે. આ ઘટનાક્રમથી નેતન્યાહુ વિરોધી જૂથમાં નવી આશા જાગી છે.જોઇન્ટ લિસ્ટના ત્રણેય ઘટક પક્ષોએ બેઠક કરીને નેતન્યાહુની સરકારને ફરી સત્તામાં આવતી અટકાવવાનો નિર્ણય લીધો હોવાનું અહેવાલોમાં જણાવાયું છે. પક્ષોના મતે, નેતૃત્વમાં પરિવર્તન લાવવા માટે વિપક્ષી દળો વચ્ચે એકતા જરૂરી છે. આ માટે જોઇન્ટ લિસ્ટનું પ્રતિનિધિમંડળ રાષ્ટ્રપતિને મળીને આઈસેનકોટના સમર્થનમાં સત્તાવાર ભલામણ રજૂ કરે તેવી શક્યતા છે.ઈઝરાયલની સંસદમાં કુલ ૧૨૦ બેઠકો છે અને સરકાર રચવા માટે ૬૧ બેઠકોનો આંકડો જરૂરી છે.
અહેવાલ મુજબ, આઈસેનકોટના મુખ્ય ગઠબંધન પાસે ૪૮ બેઠકો છે. તેમાં જોઇન્ટ લિસ્ટની ૧૧ અને રાઆમની ૮ બેઠકો ઉમેરવામાં આવે તો કુલ સંખ્યા ૬૭ થાય છે. આ સંખ્યાબળના આધારે આઈસેનકોટ સરકાર રચવાની સ્થિતિમાં મજબૂત દાવેદાર બની શકે છે. જોકે, અંતિમ નિર્ણય રાષ્ટ્રપતિની પ્રક્રિયા અને ત્યારબાદની રાજકીય ગતિવિધિઓ પર નિર્ભર રહેશે.નવી સરકારની સંભવિત રચનામાં હમાસના નિઃશસ્ત્રીકરણનો મુદ્દો પણ મહત્વનો બની રહ્યો છે. રાઆમના નેતા મન્સૂર અબ્બાસે હમાસને સંપૂર્ણપણે નિઃશસ્ત્ર કરવાના વિચારને સમર્થન આપ્યું હોવાનું અહેવાલોમાં જણાવાયું છે. તેમણે અરબ સમાજને શાંતિ સ્થાપવામાં સહયોગી ગણાવીને નાગરિકોને આતંકવાદના સમર્થક તરીકે જોવાનો વિરોધ કર્યો છે. હવે આ રાજકીય સમીકરણો ઈઝરાયલમાં ખરેખર સત્તા પરિવર્તન લાવે છે કે નહીં તેના પર સમગ્ર વિશ્વની નજર રહેશે.
