Upleta,તા.29
ઉપલેટાના ભાયાવદરના નાઈન ફાઈનાન્સ વાળા વિશ્વરાજસિંહ ઉર્ફે વિશાલસિંહ ચુડાસમા સામે વધુ એક વખત વ્યાજખોરિ તેમજ મોટરસાયકલ અને કાર પડાવી લઈ તાકતંકીઓ આપી પઠાણી ઉઘરાણી કરવામાં આવતી હોવાની બાબતને લઈને ઉપલેટા પોલીસ સ્ટેશનમાં પોલીસ ફરિયાદ નોંધાવવામાં આવી છે જેમાં આ મામલે ઉપલેટા પોલીસ સ્ટેશનમાં રાજકોટના યુવા કે પોલીસ ફરિયાદ દાખલ કરી છે અને આ મામલે ઉપલેટા પોલીસે વધુ તપાસ હાથ ધરી છે.
આ અંગેની પ્રાપ્ત વિગતો અનુસાર ફરિયાદી દ્વારા ફરિયાદમાં જણાવી પ્રમાણે રોનકભાઇ વિનોદરાય ઉદેસી, ઉ.વ.૩૫, ધંધો-ડ્રાઇવિંગ હાલ રહે, પામ સીટી, એ-૬૦૨, સાધુ વા સવાણી રોડ, પાટીદાર ચોક, રાજકોટ મુળ રહે. ભાયાવદર, ગણેશ ઓઈલમીલની બાજુમાં તા.ઉપલેટા જી.રાજકોટ વાળાએ ફરિયાદ નોંધાવી છે કે, ચારેક વર્ષ પહેલા તેમણે ઉપલેટા માર્કેટીંગ યાર્ડમાં રોકાણ માટે બે દુકાનો લીધેલ હતી અને તેમના બહેનના લગ્ન પ્રસંગ માટે પૈસાની જરૂરત પડતા એક દુકાન વેચાણ કરી નાખેલ તેમ છતા વધુ પૈસાની જરૂરત પડેલ હોય જેથી દોઢેલ વર્ષ પહેલા આશરે તા.૦૪/૦૮/૨૦૨૪ ના ભાયાવદર ગામના નાઇન ફાઈનાન્સ વાળા વિશાલસિંહ ઉર્ફે વિશ્વરાજસિંહ બળવંતસિંહ ચુડાસમા રહે.ભાયાવદર વાળાનો સંપર્ક થતા તેમની પાસેથી પૈસા લીધેલ હતા.
ફરિયાદીને ₹૫,૦૦,૦૦૦ ની જરૂરત છે જેથી વિશાલસિંહે કહેલ કે l પૈસા આપીશ પરંતુ ૧૦ ટકા વ્યાજ આપવુ પડશે અને શરૂઆતમાં પ્રથમ માસનું વ્યાજ કાપીને પૈસા આપીશ તેમ કહેલ હતું ત્યારે ફરિયાદીને મારે પૈસાની જરૂરત હોય જેથી હા પાડેલ અને મને ₹૫,૦૦,૦૦૦/- ૧૦ ટકા લેખે ઉપલેટાની દુકાને આપેલ હતા જેમાં પ્રથમ માસનું બાજ કાપીને ₹૪,૫૦,૦૦૦ આપે લ અને બદલામાં મારો બેંક ઓફ બરોડાનો કોરો ચેક સહી વાળો આપેલ હતો અને બાદમાં દર મહિને બાજ પેટે ₹૫૦,૦૦૦/- આપવામાં આવતા હતા જે ત્રણ માસ આપેલ બાદ અને બાદમાં વ્યાજના પૈસાની સગવડ થતી ન હોવાની વાત કરતા મને કહેલ કે તારે પૈસા તો આપવા જ પડશે અને પૈસા નહી આપે તો મને કઢાવતા આવડે છે તેમ કહી ધમકાવેલ અને પૈસા નહી આપે તો તારી બહેનના લગ્ન થશે નહી તેવી ધમકી આપેલ અને કહેલ કે રોકડ પૈસા ન હોય તો તારી કોઇ મિલ્કત મને આપવી પડશે તેવી ધમકી આપેલ.
ફરિયાદીને ધમકીઓ આપતા ઉપલેટા માર્કેટીંગ યાર્ડની દુકાન તેઓને આપવાની વાત કરેલ અને તા.૧૬/૦૪/૨૦૨૫ ના રોજ વિશાલસિંહનો ફોન આવેલ અને કહેલ કે તમારી દુકાન નિમેશભાઈ ભરતભાઈ તકવાણી રહે.રાજકોટ વાળાના નામે કરી આપો તેમ કહેતા દુકાન વિશાલસિંહના ડરના લીધે તેમના નામે કરી આપેલ હતી ત્યારે મેં ૨૦૨૫ માં વિશાલસિંહ અવાર-નવાર ફોન કરતો અને બાકીના વ્યાજના પૈસાની ઉઘરાણી કરતા અને વ્યાજના પૈસા નહિ આપે તો જાનથી મારી નાખવાની ધમકીઓ આપતો હતો.
આ બાબતથી પરેશાન હોવાથી ફરિયાદીએ તેઓને ₹૧,૫૦,૦૦૦ /- રોકડા રૂપીયા તેઓની ઓફીસ રાજકોટ આવેલ છે ત્યાં જઈને આપેલ અને પૈસા આપવા ગયેલ ત્યારે કહેલ કે ખાલી પૈસા નહી બીજી કોઇ વસ્તુ પણ તારે આપવી પડશે નકર ઘરે આવીએ હેરાન કરશુ તેવી ધમકી આપતા ફરિયાદી દ્વારા તેમની સુઝુકી કંપનીની એકસેસ જેના આરટીઓ રજીસ્ટર નંબર GJ03NQ3010 જેની કિંમત અંદાજિત ₹૧,૦૦,૦૦૦/- જે ફરિયાદીની પત્ની નિકિતા રોનકભાઈ ઉદેસીના નામે આવેલ છે તે પડાવી લીધેલ.
જુલાઇ ૨૦૨૫ માં વિશાલસિંહ ફરીથી અવાર નવાર ફોન કરતો અને બાકીના વ્યાજના પૈસાની ઉઘરાણી કરતો અને વ્યાજના પૈસા નહિ આપે તો જાનથી મારી નાખવાની ધમકીઓ આપતો જેથી હવે પૈસા નથી તો વિશાલસિંહે કહેલ કે તારી ફોર વ્હીલ ગાડી કયાં છે તો કહેલ કે તે રાજકોટ ગેલેકસી મોટરમાં રીપેરીંગમાં પડેલ છે તેવી વાત કરેલ તો વિશાલસિંહે કહેલ કે તે ગાડી હું લઈ લઈશ તારાથી થાય તે કરી લેજે તેમ કહી ધમકાવેલ અને થોડા સમય બાદ વિશાલસિંહે મારી મર્સીડીઝ એસ-૫૦૦ જેના આરટીઓ રજીસ્ટર નંબર DL06CJ6636 કિંમત ₹૬,૦૦,૦૦૦/- વાળી જે જોહન અનવર એહમદના નામે હતી તે ફરિયાદીની જાણ બહાર ગેરેજથી લઈ ગયેલ હતો અને ગાડીના તમામ કાગળો પણ આ વિશાલસિંહ લઈ ગયેલ હતો ત્યારે આ બાબતે ફરિયાદી દ્વારા ઉપલેટા પોલીસ સ્ટેશનમાં પોલીસ ફરિયાદ દાખલ કરવામાં આવી છે.
આ બાબતે ઉપલેટા પોલીસે ગુજરાત નાણા ધીરધાર અધિનીયમ ૨૦૧૧ ની કલમ ૪૦,૪૨ તથા બી.એન. એસ. કલમ ૩૦૮(૫), ૩૫૧(૩) મુજબ વિશ્વરાજસિંહ ઉર્ફે વિશાલ સિંહ બળવંતસિંહ ચુડાસમા સામે પોલીસ ફરિયાદ નોંધ છે ત્યારે આ વિશાલ સિંહ હજુ પણ અનેક લોકોને પોતાનો શિકાર બનાવી ચૂકેલ હોય અને કરોડો રૂપિયાની સંપત્તિ પચાવી પડાવી તેમજ અનેક પ્રકારના ધાગધમકી ભર્યા કારના માવો પણ સામે આવી શકે છે તે હાલ તો થોડા દિવસ પહેલા પણ આ જ વ્યક્તિ સામે કરોડોની જમીન પચાવી પાડવા બાબતે પોલીસ ફરિયાદ દાખલ થઈ છે અને આગામી દિવસોમાં પણ આ પ્રકારની ફરિયાદો ઢગલા બંધ થવાની પૂરેપૂરી સંભાવનાઓ છે.
