Dehradun તા.13
અયોધ્યા બાદ બદરીનાથ ધામમાં ચડાવા ચોરીના મામલામાં નવો ખુલાસો થયો છે. બદરીનાથ-કેદારનાથ મંદિર સમિતિ (બીકેટીસી)ની આંતરિક એસઆઇટીની તપાસ પુરી થઇ ચૂકી છે. સીસીટીવી ફૂટેજમાં આરોપી પૈસાની હેરાફેરી કરતો જોવા મળે છે.
જે મુજબ બદરીનાથ ધામમાં થાળી ભેટની ગણતરી દરમિયાન રોકડ ઉઠાવવાના મામલામાં આરોપી કર્મચારી પ્રમોદ નૌટિયાલ સામે એફઆઇઆર નોંધી તપાસ દરમિયાન સીસીટીવી ફૂટેજમાં મહત્વની કડીઓ મળી છે.
પોલીસને મંદિર પરિસર અને કાઉન્ટીંગ હોલમાં લાગેલા કેમેરાની ફૂટેજમાં બીકેટીસીનો આરોપી પ્રમોદ નોટિયાળ મોબાઇલ ફોન નીચે નોટોના બંડલ, સોના-ચાંદી જેવા સિક્કા અને ધાર્મિક વસ્તુઓ લઇને બહાર નીકળતો જોવા મળે છે. પોલીસે પુરાવાના આધારે આરોપીની ધરપકડની તૈયારી શરૂ કરી દીધી છે.
પોલીસને 2 જુલાઇની સીસીટીવી ફૂટેજને કબજે લીધી હતી. જેમાં આરોપી કર્મચારી ત્રણ અલગ-અલગ વાર કાઉટીંગ હોલમાં પ્રવેશ કરે છે અને દરેક વખતે હાથમાં કેટલોક સામાન લઇને બહાર જતો જોવા મળે છે.
શનિવારે પણ પોલીસની ટીમ મંદિર પરિસરમાં પહોંચીને મામલાની તપાસ ચાલુ રાખી હતી. ઉલ્લેખનીય છે કે બદરીનાથ ચડાવા ચોરીના મામલામાં અધ્યક્ષ કાર્યાલયમાં તૈનાત સહાયક પ્રમોદ નૌટિયાલને તાત્કાલીક અસરથી સસ્પેન્ડ કરી દેવાયો છે.
