(મિલાપ રૂપારેલ દ્વારા)
Amreli તા.૩૧
દામનગર પોલિસ સ્ટેશનના પોકસો ક.૪,૬,૧૦,૧૨,૧૭ તથા આઇ.ટી.એક્ટ ક.૬૬(ઇ), ૬૭(બી) મુજબના ગુન્હાના કામે સંડોવાયેલ આરોપીઓ પૈકી કાયદાના સંઘર્ષમાં આવેલ બાળ કિશોર તથા સાગરભાઇ વિપુલભાઇ નાથાણી ને હ્યુમન ઇન્ટેલીજન્સ તથા ટેકન્ીકલ સોર્સ આધારે સુરત, નાના વરાછા ખાતેથી તથા આણંદ જિલ્લાના તારાપુર ખાતેથી તા.૩૦ ના રોજ રાઉન્ડ અપ કરી દામનગર પોલિસને સોંપી આપવા તજવીજ કરેલ છે.
આ બનાવમાં અમરેલી જિલ્લાના લાઠી તાલુકાના એક ગ્રામ્ય વિસ્તારમાં રહેતી અને અભ્યાસ કરતી એક ૧૬ વર્ષીય તરૂણી લાઠી તાલુકાના આંબરડી ગામે રહેતા આરોપી ભૌતીક વિપુલભાઇ તળાવીયાએ તેણી સગીરવયની હોવાનુ જાણતા હોવા છતા આરોપીએ ભોગ બનનારને તેના ઘરના સભ્યોને જાનથી પતાવી દેવાની ધમકી આપી ગત તા.૨૧/૧૧/૨૪ થી તા.૧૧/૮/૨૬ ના સમયગાળા દરમ્યાન ભોગબનનાર તરૂણી પાસે ગંદા વિડીયો અને ફોટા બનાવડાવી તેના ઇન્સ્ટાગ્રામમાં મેળવી લઈ અને ત્યારબાદ આ વિડીયો અને ફોટા વાયરલ કરવાની ધમકી આપી ભોગબનનારની મરજી વિરૂધ્ધ તેણી સાથે અવાર-નવાર શરીર સંબંધ બાંધી બળાત્કાર કરેલ હતો.
તેમજ લાઠી તાલુકાના આંબરડી ગામે રહેતા બીજા આરોપી નિકુલ રાજુભાઇ ડેર એ પણ ભોગબનનારના ગંદા વિડીયો અને ફોટો તેની પાસે છે. અને તેને વાયરલ કરવાની ધમકી આપી ઇન્સ્ટાગ્રામના વિડીયોકોલ દરમ્યાન ભોગબનનારને કપડા કાઢી ગુપ્તાંગનો ભાગ બતાવવાનું કહી, ભોગબનનારની છાતીના ભાગનો તેણીની જાણ બહાર સ્ક્રીન રેકોર્ડીંગ કરી લઈ, ભોગબનનારનો ગંદો વિડીયો બનાવી, વાયરલ કરવાની ધમકી આપી ભોગબનનારની મરજી વિરૂધ્ધ તેણી સાથે શરીર સંબંધ બાંધી બળાત્કાર કરેલ તેમજ ભોગબનનારનો ગંદો વિડીયો વાયરલ પણ કરેલ હતો.
તેમજ લાઠી તાલુકાના આંબરડી ગામે રહેતા આરોપી સાગર વિપુલભાઇ નાથાણી તથા જોગડદાસ રાવળે પણ ભોગબનનારના ગંદા વિડીયો અને ફોટો વાયરલ કરવાની તથા બદનામ કરવાની ધમકી આપી, ભોગબનનાર સાથે શરીર સંબંધ બાંધવાની તથા વિડીયોકોલ કરી ન્યુડ થવાની માંગણી કરી અને જાતીય સતામણી કરી હતી. અને ગાળો આપેલ હતી અને જાનથી મારી નાખવાની ધમકી આપી હતી.
આમ આ ચારેય આરોપીઓએ ભોગબનનાર તરૂણી સાથે શરીર સંબંધ બાંધવાના સમાન ઇરાદા સાથે આરોપી ભૌતીક વિપુલભાઇ તળાવીયા અને નિકુલ રાજુભાઇ ડેરે બળાત્કાર કરી તથા આરોપી સાગર વિપુલભાઇ નાથાણી તથા જોગડદાસ રાવળે ભોગબનનારને શરીર સંબંધ બાંધવાની માંગણી કરી સામુહિક બળાત્કાર કર્યાની પોલીસમાં ફરિયાદ નોંધાતા પોલીસે બે આરોપીને સુરત, નાના વરાછા ખાતેથી તથા આણંદ જિલ્લાના તારાપુર ખાતેથી તા.૩૦ ના રોજ રાઉન્ડ અપ કરી દામનગર પોલિસને સોંપી આપવા તજવીજ કરેલ છે.
