લોકસેવા અને વિકાસની નવી પ્રતિબદ્ધતા જિલ્લા પંચાયત પદાધિકારીઓ ની ગોંડલ અને કોટડાસાંગાણી તાલુકા મથકો ખાતે આગેવાનોની ઉપસ્થિતિમાં સંકલન મીટિંગ
Kotdasangani તા.25
જિલ્લા પંચાયત પ્રમુખ શ્રી સંજયભાઈ પીપળીયા એ એક અખબારી યાદીમાં જણાવ્યું હતું કે આદરણીય પ્રધાનમંત્રી શ્રી નરેનભાઈ મોદી સાહેબ અને મુખ્યમંત્રીશ્રી ભુપેન્દ્રભાઈ પટેલ અને નાયબ મુખ્યમંત્રી શ્રી હર્ષ સંઘવી સાહેબ ના નેતૃત્વ હેઠળ ની રાજ્ય સરકાર ની સર્વાંગી વિકાસ ની નીતિઓ અને ગ્રામ્ય વિસ્તાર ની સુખાકારી અને સર્વાંગી વિકાસ માટે વિવિધ યોજનાઓ અમલમાં મુકાઈ રહી છે ત્યારે આ યોજના ના અસરકારક અમલીકરણ માટે અને છેવાડા ના લોકો સુધી લાભો પહોંચાડવા માટે આજ રોજ ગોંડલ અને કોટડાસાંગાણી તાલુકા પંચાયત કચેરી ખાતે જિલ્લા પંચાયતના પદાધિકારીશ્રીઓના નેતૃત્વમાં વિસ્તૃત સંકલન મિટિંગનું આયોજન કરવામાં આવ્યું હતું.
કોટડાસાંગાણી તાલુકા પંચાયત કચેરી તથા ગોંડલ તાલુકા પંચાયત કચેરી ખાતે આયોજિત સંકલન મિટિંગમાં આવ્યું. આ મિટિંગમાં તાલુકા પંચાયતનાં હોદેદારો,સંગઠનનાં અગ્રણીઓ,પદાધિકારીશ્રીઓ ઉપસ્થિત રહીને તમામ હાજર અધિકારીઓ અને પ્રતિનિધિઓ સાથે વ્યક્તિગત પરિચય મેળવીને મુલાકાત કરી. ત્યારબાદ તાલુકા વિસ્તારમાં વર્તમાન સમયે ચાલી રહેલી વિવિધ વિકાસ યોજનાઓ, પ્રગતિમાન વિકાસ કાર્યો, વહીવટી કામગીરી અને લોકસેવાના કાર્યોની વિગતવાર સમીક્ષા કરવામાં આવી.
આ મિટિંગ દરમિયાન તાલુકા સ્તરે અને જિલ્લા સ્તરે અનુભવાતી વિવિધ મુશ્કેલીઓ,અવરોધો અને પડકારો અંગે વિસ્તૃત ચર્ચા કરવામાં આવી અને શક્ય હોય તે પ્રશ્નોના સ્થળ પર નિકાલ કરવામાં આવ્યા હતા અને અન્ય પ્રશ્નોની વિગત લઇ સબંધિત વિભાગને જરૂરી કાર્યવાહી અર્થે મોકલવામાં આવ્યા હતા. આ મિટિંગમાં હાજર અધિકારીઓએ પોતપોતાના વિભાગની કામગીરીની વિગતો રજૂ કરી.
આ તકે જિલ્લા પંચાયત પદાધિકારીશ્રીઓએ તમામ સંબંધિત અધિકારીઓને તાલુકા કક્ષા તેમજ જિલ્લા લેવલના પ્રશ્નોના ઝડપી અને અસરકારક નિરાકરણ માટે સ્પષ્ટ અને વ્યવહારુ સૂચનાઓ આપી. વિકાસ કાર્યોને વેગ આપવા, લોકોની સમસ્યાઓનું ત્વરિત નિરાકરણ કરવા અને સરકારી યોજનાઓના અમલીકરણમાં ગતિ વધારવા પર વિશેષ ભાર મૂકવામાં આવ્યો.
મિટિંગના અંતે આયોજકો દ્વારા આપવામાં આવેલા સહકાર,સત્કાર અને સન્માન બદલ પદાધિકારીશ્રીઓએ હૃદયપૂર્વક આભાર વ્યક્ત કર્યો અને આ પ્રકારે સંકલન મિટિંગોને નિયમિત રૂપે યોજવાની જરૂરિયાત પર પણ ભાર મૂક્યો.ગોંડલ ખાતે સંકલન મીટિંગ દરમિયાન લોકલાડીલા પૂર્વ ધારાસભ્ય શ્રી જયરાજસિંહ જાડેજા ના નિવાસસ્થાને શુભેચ્છા મુલાકાત લીધી હતી અને બાદમાં ગોંડલ માર્કેટિંગ યાર્ડ ખાતે વિસ્તારનાં લોકલાડીલા યુવા અગ્રણી શ્રી ગણેશભાઈ જાડેજા સાથે જિલ્લા પંચાયતનાં હોદેદારોએ શુભેચ્છા મુલાકાત કરી હતી.આ સંકલન મીટીંગો દરમ્યાન કોટડાસાંગાણી ખાતે પ્રમુખ સહિત પદાધિકારીઓ ની ટીમે હોસ્પિટલની આરોગ્ય સેવાની ગુણવત્તા તપાસવા સરપ્રાઈઝ વિઝીટ કરી.હોસ્પિટલમાં દર્દીઓને મળતી સુવિધાઓની ચકાસણી, સ્ટાફની હાજરી અને ફરજ નિષ્ઠાની સમીક્ષા, દવાઓ, સાધનો અને સ્વચ્છતાની સ્થિતિનું નિરીક્ષણ કરી જરૂરી સૂચનાઓ આપી. ઉપરાંત જિલ્લા ના સર્વાંગી વિકાસ ના સંકલ્પ સાથે કાર્યરત જિલ્લા પંચાયત પદાધિકારીઓના ની ટીમ દ્વારા જિલ્લા માં ભારે વરસાદ ની પરિસ્થિતિ અને આગાહી ને પગલે જિલ્લા પંચાયત ખાતે કાર્યરત ડિઝાસ્ટર કંટ્રોલ રૂમની મુલાકાત પદાધિકારીઓ દ્વારા કરવામાં આવી. વર્તમાનમાં જિલ્લામાં ચાલી રહેલી ભારે વરસાદની પરિસ્થિતિને ધ્યાનમાં રાખીને તાત્કાલિક પરિસ્થિતિનું મૂલ્યાંકન કરવામાં આવ્યું અને સંબંધિત તમામ તાલુકા કક્ષાએ અધિકારીઓને વરસાદથી થતા સંભવિત નુકસાનને અટકાવવા, રાહત કાર્યોમાં ત્વરિત પ્રતિસાદ આપવા તથા જનજીવનને સુરક્ષિત રાખવા માટે વિગતવાર જરૂરી સૂચનાઓ અને માર્ગદર્શન આપવામાં આવ્યું હતું.
આ સંકલન મિટિંગો દરમિયાન કોટડાસાંગાણી તાલુકા પંચાયત ખાતે ધારાસભ્યશ્રી ભાનુબેન બાબરીયા,તાલુકા પંચાયત પ્રમુખશ્રીનાં પ્રતિનિધિ શ્રી રવિરાજસિંહ જાડેજા, જિલ્લા પંચાયત સદસ્યશ્રી અર્જુનભાઈ ખાટરીયા,ગોંડલ ખાતે સંકલન મીટિંગ અને શુભેચ્છા મુલાકાત દરમ્યાન પૂર્વ ધારાસભ્ય શ્રી જયરાજસિંહ જાડેજા, યુવા અગ્રણી શ્રી ગણેશભાઈ જાડેજા,તાલુકા પંચાયત પ્રમુખશ્રી ભરતભાઈ ઢોલરીયા,અગ્રણીઓ શ્રી પ્રફુલભાઈ ટોળીયા, શ્રી સહદેવસિંહ જાડેજા, શ્રી ભાર્ગવભાઈ અંદીપરા, શ્રી લાલજીભાઈ તળાવિયા, શ્રી ભરતભાઈ મકવાણા, શ્રી ભરતભાઈ ચોવટીયા, શ્રી અશ્વિનભાઈ ઠુંમર ઉપસ્થિત રહ્યા હતા.આ તમામ પ્રસંગે જિલ્લા પંચાયત પ્રમુખશ્રી સંજયભાઈ પીપળીયા,ઉપપ્રમુખશ્રી સામંતભાઈ બાંભવા, કારોબારી ચેરમેનશ્રી નરશીભાઈ સોજીત્રા,શાસક પક્ષ નેતા પ્રતિનિધિ શ્રી નિકુંજભાઈ કણસાગરા વગેરે જિલ્લા ના સર્વાંગી વિકાસના સંકલ્પ સાથે ઉપસ્થિત રહ્યા હતા
