Visavadar નાં શોભાવડલા નજીક પિસ્તોલ – કાર્ટીસ સાથે એક શખ્સ ઝડપાયો

Junagadh,તા.10
એસઓજીએ પેટ્રોલીંગ દરમિયાન વિસાવદરના શોભાવડલા નજીક પિસ્તોલ- કાર્ટીસ સાથે એક શખ્સને પકડી વિસાવદર પોલીસને હવાલે કર્યો છે. એસઓજી પોલીસે પેટ્રોલીંગ દરમ્યાન મળેલી બાતમીના આધારે શોભાવડલા લશ્કર અને પીરવડ ગામના રોડ પરથી આરોપી સુરેશ માણસુર હુદડ (ઉ.37) વાળાને ચેક કરતા તેમના કબ્જામાંથી આધાર પુરવા વગર દેશી પિસ્તલ રૂા.20 હજાર બે જીવતા કાર્ટીસ સહિત કુલ 20200ના મુદામાલ સાથે દબોચી લીધો હતો તેમની પ્રાથમીક પુછપરછમાં સુરેન્દ્રનગરના કીશન ગઢવીનું નામ ખુલવા પામ્યું હતું. વિસાવદર પોલીસ સબ ઈન્સ. પી.જે. વાઘેલાએ આર્મ એકટ ક. 25 (1-બી) એ 29 જીપીએકટ ક. 135 મુજબ ગુન્હો નોંધી તપાસ હાથ ધરી છે.