Mumbai,તા.30
પારિસની જગવિખ્યાત ફિલ્મ સંસ્થા સિનેમાથેક ફ્રાન્કાઇઝમાં ભારતના ફિલ્મ નિર્દેશક એસ.એસ.રાજામૌલીને કાયમી સ્થાન આપવામાં આવ્યું છે. આ પ્રસંગે રાજામૌલીની ત્રણ ફિલ્મો આરઆરઆર, એગા અને બાહુબલિ: ધ બિગીનિંગ દર્શાવવામાં આવી હતી. આ પ્રસંગે યોજવામાં આવેલાં રાજામૌલીના માસ્ટર ક્લાસમાં દંતકથારૂપ ફિલ્મ સર્જક કોસ્ટા ગાવરાસ પણ ઉપસ્થિત રહ્યા હતા. કોસ્ટા ગાવરાસે આ ઉંમરે પણ આઠ કલાક સુધી રાજામૌલીની બે ફિલ્મ જોઇ હતી અને તેમનો માસ્ટરક્લાસ પણ એટેન્ડ કર્યો હતો.
આ પ્રસંગે રાજામૌલીએ સોશ્યલ મિડિયા પર જણાવ્યું હતું કે પારિસમાં મારી ફિલ્મો દર્શાવવામાં આવી તે મારા માટે એક સન્માન છે. વિખ્યાત હેન્રી લેંગ્વા દ્વારા સ્થાપવામાં આવેલી દુનિયાની સૌથી આદરપૂર્ણ ફિલ્મ સંસ્થાના હોલમાં મને કાયમી સ્થાન આપવામાં આવ્યું છે તે કદી વિસરી ન શકાય તેવું બહુમાન છે. આ પ્રસંગે રાજામૌલીએ કોસ્ટા ગાવરા અને સિનેમાથેક ફ્રેન્કાઇઝ પરિવારનો ભારતીય સિનેમાને હુંફાળો આવકાર આપવા બદલ આભાર માન્યો હતો.
ઝેડ નામની ક્લાસિક ફિલ્મ જેમના નામે બોલે છે તે ઓસ્કરવિજેતા ફિલ્મ સર્જક કોસ્ટા ગાવરા માત્ર આરઆરઆર જ જોવાના હતા પણ પછી તેમણે પત્ની સાથે આખો દિવસ રોકાઇ એગા અને બાહુબલિ એક પછી એક એમ આઠ કલાક સુધી જોઇ હતી. રાજામૌલીના પુત્ર કાર્તિકેયે આ ક્ષણોને પ્રેરણાત્મક ગણાવી હતી.
