તરુણે છેલ્લે ૨૦૧૯માં ડ્રાઇવ નામની ફિલ્મ બનાવી હતી, પછી તે ઇન્ડસ્ટ્રીમાંથી ગાયબ થઈ ગયા હતા
Mumbai, તા.૨
અક્ષય કુમારની ફિલ્મ ‘હાઉસફુલ ૫’ આજકાલ ચર્ચામાં છે, તાજેતરમાં જ તેનું ટ્રેલર લોંચ કરવામાં આવ્યું છે ફિલ્મમાં૧૧ સેકન્ડની કાતર સાથે સેન્સર બોર્ડની મંજુરી પણ મળી ગઈ છે. ત્યારે હવે આ ફિલ્મના ડિરેક્ટર તરુણ તાહિલાની દ્વારા એક રસપ્રદ ખુલાસો કરવામાં આવ્યો છે. તેમણે કહ્યું કે આ ફિલ્મનું શૂટિંગ ક્રુઝ પર કરવા માટે કૅપ્ટને વાંધો ઉઠાવ્યો હતો. તાજેતરના એક ઇન્ટરવ્યુમાં હાઉસફુલ ૫ના ડિરેક્ટર તરુણ મનસુખાનીએ ખુલાસો કર્યો હતો, તેમણે જણાવ્યું હતું કે ૧૯ કલાકારો સુધી ૪૦ દિવસ સુધી શૂટ કરવાનું હતું. તેમણે કહ્યું કે પહેલાં તો તેમણે આખા ક્રૂઝની ભુગોળ યાદ કરી લીધી હતી, જેથી કોઇ પણ પ્રકારનું ડિલે રોકી શકાય સાથે શોટ લેતી વખતે બલેન્સ પણ જાળવી શકાય. સાથે તેમણે એમ પણ કહ્યું કે વારંવાર બદલાતી હવામાનની પરિસ્થિતિને કારણે પણ ઘણી મુશ્કેલીઓનો સાનવો કરવો પડ્યો હતો. એટલે સુધી કે ફિલ્મની ટીમે ભયંકર તોફાનનો પણ સામનો કરવો પડ્યો હતો. તેમણે આગળ જણાવ્યું, “મને યાદ છે, તોફાન દરમિયાન લોકો ઉભા પણ નહોતા રહી શકતા. કૅમેરા પણ ઉડી જાય એવી સ્થિતિમાં હતા. તોફાનના બીજા દિવસે તો કેપ્ટને અમને શૂટ કરવાની ના પાડી દીધી, તેમણે જણાવ્યું કે સુરક્ષાના કારણોસર અમારે શૂટ અટકાવવું પડશે.” તરુણે છેલ્લે ૨૦૧૯માં ડ્રાઇવ નામની ફિલ્મ બનાવી હતી, પછી તે ઇન્ડસ્ટ્રીમાંથી ગાયબ થઈ ગયા હતા. તેમણે જણાવ્યું કે તેમને હાઉસફુલ ૫ની સ્ક્રિપ્ટ ફાઇનલ કરતા એક વર્ષ લાગી ગયું હતું. આ ફિલ્મમાં તેની નવી એન્ટ્રી થઈ છે તે અંગે પણ તેમણે વાત કરી હતી. તેમણએ કહ્યું, આ ળેન્ચાઇઝી માટે એનો આઇડિયા અને વાર્તા તેને સહજ જ મળી ગયા હતા. તરુણ મનસુખાનીએ એવું પણ કહ્યું કે તેણે આ ફિલ્મમાં દરેક કલાકારને યોગ્ય સ્ક્રીન ટાઇમ આપવાની કોશિશ કરી છે. તેણે કહ્યું કે નાના રોલ માટે મોટા કલાકારોને કાસ્ટ કરવા યોગ્ય નથી, તેથી તેણે બધાને મહત્વના રોલ આપવા કોશિશ કરી છે.
