મહારાણી રાધિકા રાજેએ એક પોસ્ટ શેર કરી હતી અને રાજકીય પરિવારને જે રીતે દર્શાવાય છે, તે અંગે પોતાના વિચાર રજૂ કર્યા હતા
Mumbai, તા.૨
ઇશાન ખટ્ટર અને ભુમિ પેડનેકરની ‘ધ રોયલ્સ’માં રાજ પરિવારના સભ્યો અંગેના ખોટાં અર્થઘટન અને ગરીબ પરિવારની ધનવાન દેખાવાની વિચારધારાની ઘણી ટીકા થઈ છે. આ ટીકા છતાં નેટફ્લિક્સ દ્વારા આ શોની નવી સીઝન જાહેર કરવામાં આવી છે. ત્યારે હવે વડોદરાનાં મહારાણી રાધિકા રાજે ગાયકવાડે આ સિરીઝમાં ભારતીય રાજકીય વારસાનાં ખોટાં અર્થઘટનની ટીકા કરી છે.મહારાણી રાધિકા રાજેએ પોતાના ઇન્સ્ટાગ્રામ પર એક પોસ્ટ શેર કરી હતી અને રાજકીય પરિવારને જે રીતે દર્શાવાય છે, તે અંગે પોતાના વિચાર રજૂ કર્યા હતા. પોસ્ટમાં એક નિવેદન રજુ કરીને તેમણે લખ્યું હતું, “ધ રોયલ ઇગ્નોર. લોકો દેશના રજવાડાઓના સમુદાયને વ્યાપક પણે એવું માને છે કે તસવીરોમાં સજતાં, દંતકથાઓમાં દેખાતા અને રાજકારણથી લઈને સેવાઓ, મેગેઝનના કવર પર, એવાં વિવિધ ક્ષેત્રમાં સારી રીતે સ્થાન ધરાવવાથી લઇને ધ રોયલ્સમાં દર્શાવાયા છે, તે રીતે દર્શાવીને જ ટકાવી શકાશે. દુખની વાત છે કે, એવું થવાનું નહોતું, ૧૯૪૨થી..આઝાદી પછી જે બન્યું, વ્હીસ્કી અને બેદરકારીમાં રચ્યા પચ્યા રાજાઓ અને શિફોનની સાડીઓ અને મોતીના ઘરેણામાં સજેલી રાણીઓનાં ચિત્રણ દ્વારા રાજકિય રીતે પ્રેરિત અપપ્રચારથી જ અમને ઓળખવામાં આવ્યાં છે.”આગળ રાધિકા રાજેએ જમાવ્યું કે ભારતની આઝાદી રજવાડાઓ માટે એવો વળાંક લઇને આવી કે તેના કારણે આંતરરાષ્ટ્રિય સ્તરે માન્યતા અને સંબંધ ધરાવતાં રજવાડાઓની રાજાશાહીનો અંત આવી ગયો. આ સંદર્ભે સરદાર વલ્લભભાઈ પટેલની રક્તવિહિન ક્રાંતિને યાદ કરીને તેમણે કહ્યું કે તેમણે ૫૬૫ રજવાડાઓએ આઝાદી પહેલા તેઓ જ્યાં ૪૦ટકા વિસ્તારો પર આધિપત્ય ધરાવતાં હતાં, તે પોતાના મહેલો, જમીનો અને ઓળખ તેમણે દેશની એકતા અને લોકશાહી રાષ્ટ્ર માટે સમર્પિત કરી દીધી. તેમણે એવું પણ કહ્યું કે, કેટલાંકે વિરોધ કર્યો, પરંતુ મોટા ભાગના રાજ પરિવારોએ અનિશ્ચિત ભવિષ્યને સ્વીકારી લીધું. ભારતીય રજવાડાઓએ યુરોપના સમૃદ્ધ દેશો સુધી પોતાનું ઉદાર અને કુશળ રાજ્ય વિસ્તાર્યું હતું, જેના ઇતિહાસમાં પુરાવા છે.આગળ તેમણે કહ્યું ભારતમાં કોઈ પણ દેશ કરતાં રજવાડાઓ વધુ હતા, સાથે તેઓ કોઈ એક પ્રદેશ, જાતિ કે ધર્મના નહોતા. તેમણે કહ્યું,“ભારતીય રજવાડાઓમાં બ્રાહ્મણો, રાજપુતો, મરાઠા, સિખો, મુસ્લિમો દરેક વૈવિધ્ય ધરાવતા સમાજના રાજાઓ હતા, ભારતે તેમના કેટલાક શ્રેષ્ઠ રાજકારણીઓ, રાજદ્વારીઓ, વન્યજીવન સંરક્ષણવાદીઓ, અમલદારો, લશ્કરી અધિકારીઓ, શિક્ષણવિદો, રમતવીરો, હોટેલિયરો અને ઉદ્યોગસાહસિકોને રાજવી પરિવારમાંથી ઉભરતા જોયા છે અને આજે આપણા મહેલો, કિલ્લાઓ અને સંગ્રહાલયો કદાચ ભારતના અખંડ, બિનરાજકીય સમર્થન અને સાંસ્કૃતિક ઇતિહાસના છેલ્લા કેટલાંક રક્ષકો છે, જે બધાંની તેઓ અંગત ક્ષમતા મુજબ જાળવણી છે. છતાં આટલા દાયકાઓ પછી પણ આપણો પોતાનો દેશ અમને – બધા ૫૬૫ પરિવારોને અને થોડા હજાર ખાનદાની – વિસ્મય, અજ્ઞાન અને અણગમાના વિચિત્ર મિશ્રણ સાથે જ જુએ છે.”તેમણે એવું પણ કહ્યું હતું કે આજે પણ દેશના મોટાં તહેવારો અને તેમની ઉજવણીઓ રાજ પરિવારોએ જ જાળવી રાખી છે, ભલે વહિવટ કે સરકારમાં કોઈ પ્રતિનિધિત્વ ન હોય છતાં સ્થાનિકો આજે પણ તેમનાં પ્રદેશના રાજ પરિવારોને પહેલાં જેટલું જ માન સન્માન આપે છે.
