નવાગામ આણંદપરમા છ પત્તા પ્રેમીની રૂ ૧૨૨૪૦ના મુદ્દામાલ સાથે ધરપકડ
Rajkot તા.૨૩
Rajkot શહેર પોલીસના અલગ અલગ પોલીસ સ્ટેશન દ્વારા જુગારધામ પર દરોડામાં કુવાડવા પોલીસ સ્ટેશન દ્વારા નવાગામ આણંદપર ગામે રહેણાંકના મકાનમાં દરોડામાં ૬ શકુની ને જુગટુ રમતા ઝડપાયા હતા અને રૂ ૧૨૨૪૦ નો મુદ્દામાલ કબ્જે કર્યો બીજા દરોડામાં ગાંધીગ્રામ પોલીસ સ્ટેશન દ્વારા જીવંતિકાનગર માં બંધ કારખાનામાં દરોડો પાડતા ૩ શકુનીને ઝડપી પાડ્યા હતા અને રૂ ૧૧૬૦૦ નો રોકડ મુદામાલ પોલીસે કબ્જે કર્યો હતી અને વધુ કાર્યવાહી હાથ ધરી છે
આ અંગે મળતી માહિતી મુજબ રાજકોટ શહેર પોલીસ કમિશનર બ્રજેશકુમાર ઝા દ્વારા જુગારધામ શોધી દરોડો પાડવાની સૂચનાના પગલે કુવાડવા પોલીસ સ્ટેશનની ટીમ પેટ્રોલિંગ હતી તે દરમિયાન કોન્સ્ટેબલ કુશલભાઈ જોશી, ઉર્મિલાબેન, ભાવેશભાઈ, જયદીપભાઇ ને ખાનગી રહે બાતમી મળેલકે નવાગામ (આણંદપર) માં રંગીલા વિસ્તારમાં પંચવટી ૨ માધવી સ્કૂલ પાસે સંજયભાઈ વાઘાભાઈ સરવૈયા ના મકાનમાં દરોડો પાડતા નવાગામ રહેતો સંજય વાઘાભાઈ સરવૈયા, ભરત લાલજીભાઈ મકવાણા, પ્રવીણ છનાભાઈ સાકરીયા, રાજેશ બચુભાઈ કુમારખાણીયા, ગોરધન રણછોડભાઈ મેણીયા, રાયધન હકાભાઇ પરાળીયા ને જુગટુ રમતા ઝડપી પાડ્યા હતા અને રૂ ૧૨૨૪૦ નો મુદામાલ પોલીસે જપ્ત કરી અને વધુ કાર્યવાહી હાથ કરી હતી.
બીજા બનાવમાં ગાંધીગ્રામ પોલીસ સ્ટેશનનો સ્ટાફ પેટ્રોલિંગમાં હતો એ દરમિયાન રવિભાઈ ગઢવી ને ખાનગી રાહે બાતમી મળેલ કે જીવંતીકાનગર શેરી નંબર ૨ માં બંધ કારખાનામાં જુગાર ગામ ચાલતું હોવાની બાતમી આધારે દરોડો પાડતા ગાંધીગ્રામમાં રહેતા મીત મનસુખભાઈ ચૌહાણ, લાખના બંગલા પાસે રહેતા વિજય કિશોરભાઈ પરમાર, અયોધ્યા ચોક પાસે રહેતા જીતેન્દ્ર સવજીભાઈ ચાવડા ને ઝડપી પાડ્યા અને રૂ ૧૧૬૦૦નો મુદામાલ પોલીસે કબ્જે કર્યા છે.
