ખેડૂતો દ્વારા પાકનું વન્ય પ્રાણીઓથી રક્ષણ માટે ખેતરની ચારે તરફ મુકેલ તારને અડી જતા મોત થયાનું પ્રાથમિક તારણ, યુવકના વાલી વારસની શોધખોળ
Rajkot
ગોંડલ તાલુકાના રીબ ગામની સીમમાં કપાસના વાવેતર ખેતરમાં ભૂંડ સહિત અન્ય પ્રાણીઓથી રક્ષણ મેળવવા ખેતર મુકેલ જાટકા મશીનમાં તારમાં ઝટકા લાગવાથી અજાણ્યો યુવક કોઈ કોહવાયેલી હાલત પડેલ જેની જાણ ખેત મજૂર ને થતા તાત્કાલિક હોસ્પિટલ ખસેડવામાં આવ્યા હતા જ્યાં તબીબે યુવકને મૃત જાહેર કરતા ગોંડલ તાલુકા પોલીસ સ્ટેશન નો સ્ટાફ દોડી ગયો હતો અને મૃતદેહને પીએમ અર્થે ખસેડવામાં આવ્યો હતો
આ અંગે યુવકનું ઝાટકા થી મોત થયાનું પ્રાથમિક તારણ જાણવા મળી રહ્યું છે.આ અંગે મળતી માહિતી મુજબ ગોંડલ તાલુકાના રીબગામે સીમ વિસ્તારમાં ખેડૂત વિજયસિંહ ના ખેતરમાં કપાસનો વાવેતર કરેલ હોય જેમાં ભૂંડ, રોઝડા જેવા વન્ય પ્રાણીઓ થી પાકને બચાવવા માટે ખેતરની ચારે તરફ ફેન્સીંગ સાથે ઝટકા મશીન મુકેલ હોય જે બાબતે કોઈ અજાણ્યો આશરે ૩૦ થી ૪૦ વર્ષીય યુવાન કોઈ કારણોસર ઝટકા મશીનના તારના વારંવાર ઝટકા લાગતા કોહવાઈ ગયેલી હાલતમા પડેલ હોય ખેતરમાં કામ કરતાં શ્રમિકો દ્વારા જાણ થતા તાત્કાલિક સારવાર અર્થે હોસ્પિટલે ખસેડવામાં આવ્યો હતો
જ્યાં હાજર તબીબે યુવકને મૃત જાહેર કરતા ઘટના સ્થળે ગોંડલ તાલુકા પોલીસ સ્ટેશન ની ટીમ દોડી ગઈ હતી અને મૃતદેહને પીએમ અર્થે ખસેડવામાં આવ્યો હતો આ અંગે મૃતક ૩૦ થી ૪૦ વર્ષીય યુવાન હોવાનું અને પોલીસે મૃતકના વાલી વારસની શોધખોળ હાથ ધરી છે તેમજ ખેતરના મુકેલ જાટકા મશીનથી વારંવાર ઝાટકા લાગતા યુવકનું મોત થયાનું પ્રાથમિક તારણ જાણવા મળી રહ્યું છે આ અંગે ગોંડલના તાલુકા પોલીસ સ્ટેશનના પીએસઆઇ જીબી જાડેજા વધુ તપાસ ચલાવી રહ્યા છે
