વ્યાજના કારણે કરાવી લીધેલ દસ્તાવેજ કરી મકાન ત્રીજી વ્યક્તિને વેચ્યું હતું એસ પી પ્રેમસુખ ડેલુએ ત્યાંથી દસ્તાવેજ મહિલાને પરત કરાવડાવ્યો
Surendranagar
સુરેન્દ્રનગર જિલ્લામાં વ્યાજખોરોની ચુંગાલમાં અનેક લોકો ફસાઈ ગયેલા છે ત્યારે એસ.પી. પાસે જતા લોકોની વિગતો એકત્ર કરી નાણા,ચેક જમીન પરત અપાવે છે એવામાં ધ્રાંગધ્રા શહેરની મહિલા પાસેથી દસ્તાવેજ કરી લીધેલ મકાન પરતનો દસ્તાવેજ કરાવી આપ્યો,જૈ ન અગ્રણીના ૧૯ લાખના ૧૨ ચેક પરત અપાવ્યા અને કંકાવટીની મહિલાના ૨૦ વર્ષથી ફસાયેલા ૩ લાખ પરત અપાવતા એસ.પી.કચેરીમાં ભાવુક દ્રસ્યો સર્જાયા હતા.
સુરેન્દ્રનગર જિલ્લામાં અનેક લોકો વ્યાજે લીધેલા નાણા,વ્યાજ ચુકવી દેવા છતાય એની સામે આપેલા ચેક,જમીનના દસ્તાવેજ,દાગીના વ્યાજખોરો પરત નહી આપી પઢાણી ઉઘરાણી કરતા હોય છે.ત્યારે એસ.પી.પ્રેમસુખ ડેલુ
પાસે વ્યાજખોરોની ચુંગાલમાં
ફસાતા લોકો આવ્યા બાદ પોલીસ તુરંત કાર્યવાહી કરે છે.ધ્રાંગધ્રાના કલબરોડ ઉપર રહેતા હિતેશભાઈ દલસુખભાઈ વોરાએ ત્રણ વર્ષ પહેલા ગોલ્ડલોન ભરવા રમેશભાઈ મુંધવા પાસેથી ત્રણ લાખ વ્યાજે લીધેલ તે સમયે ૧૯ લાખની રકમ લખેલા ૧૨ ચેક સામે આપ્યા હતા.રકમ અને વ્યાજ ભરવા છતાય ચેક પરત નહી મળતા એસ.પી.ને રજુઆત કરતા સીટી પી.આઈ.કે.ડી.જાટને તપાસ સોંપી હતી અને ૧૯ લાખ રૂપીયાના ૧૨ ચેક પરત અપાવી દીધા હતા.બીજા ધ્રાંગધ્રાના કુડા ફાટક પાસે રહેતા મુમતાજબેન ગફુરભાઈ સંધીને માજી સૈનીક સોસાયટીમાં રહેતા જયદીપસિંહ ઝાલા સાથે સાત વર્ષથી પૈસાની લેતીદેતીનો વહીવટ ચાલતો હતો.ત્યારે જયદીપસિંહે ૧૦ લાખનું મહિલાનું મકાન વેચાવી દઈ કીધેલ કે તમારુ દેણું હું ભરતો જઈશ આમ મકાન આપ્યુ સાથે મહિને ૧૫ હજાર રૂપીયા પણ મહિલા આપતા હતા.જયદીપસિંહે મકાન દીપકભાઈ શંકરભાઈને વેચી દીધેલ હતુ.પરંતુ મહિલાએ આ સમગ્ર આપવીતી એસ.પી.ને વર્ણવતા પી. આઈ.જાટને તપાસ સોંપી હતી ત્યાર બાદ ૬ વર્ષ પહેલા ત્રીજી વ્યકિતને દસ્તાવેજ કરી દીધેલા મહિલાના મકાનનો એસ.પી.ડેલુ અને પી.આઈ.જાટની ટીમે મહિલાના મકાનનો દસ્તાવેજ પરત કરાવી આપ્યો હતો.
મહિલાએ મયુરનગરના માધવભાઈ પાસે લીધેલા લાખ રૂપીયા સામે આપેલા બે ચેક પણ પોલીસે પરત અપાવ્યા.મહિલાએ સંજયભાઈ મેઘરાજભાઈ ગઢવી પાસે લીધેલા દોઢલાખ રૂપીયામાં પણ સુખદ સમાધાન કરાવાયુ.સાથે મહિલાએ ક્રિશ બેકરી વાળા જીગ્નેશભાઈ રમેશચંદ્ર દંગી પાસે ૧૦ લાખ લીધા હતા મકાનનો દસ્તાવેજ પણ કરી દીધો હતો એમને ગોકળભાઈને દસ્તાવેજ કરી દેવા છતાય બે લાખ માંગતા હોવાની એસ.પી.ને રજુઆત કરતા એ કેસમાં પણ સુખદ સમાધાન કરાયુ અને શકીલભાઈ ઘાંસી પાસેથી બાઈક અને કાગળો પણ પરત અપાવ્યા હતા.બીજી તરફ ધ્રાંગધ્રાના કંકાવટી ગામના મંજુબેન દેવીપુજકને બાવળીના અરવિંદભાઈ અવસરભાઈ પાસેથી માસીક વીસી ચલાવતા એ બાબતના વીશ વર્ષથી ૩ લાખ રૂપીયા લેવાના હોવા છતાય નહી આપતા મહિલાએ એસ.પી.ને
રજુઆત કરતા ત્યાંથી તાલુકા પી. આઈ.એન.એચ.ચુડાસમાને તપાસ સોપતા પી.આઈ.એ કાર્યવાહી શરૂ કરતા મહિલાને ત્રણ લાખ રૂપીયા વીસ વર્ષ બાદ પરત મળ્યા હતા. આમ નાણા, ચેક, બાઈક,દસ્તાવેજ પરત મળવાની આશા છોડી દીધા બાદ એસ.પી.પ્રેમસુખ ડેલુને રજુઆત કરતા ત્રણેય લોકોને ન્યાય મળતા પોલેસ પ્રજાનો મિત્ર છે એ સુડ સુત્ર સાર્થક થતા એસ. પી.સહિતના અધિકારીઓનો ત્રણેય લોકોએ આભાર વ્યકત કરતા સમયે ભાવુક દ્રશ્યો સર્જાયા હતા.
જિલ્લા પોલીસ વડા પ્રેમસુખ ડેલુના જણાવ્યા મુજબ લોકો મુશ્કેલીમાં હોય ત્યારે નાણા લીધા હોય પરંતુ આવા લોકોનો ગેરલાભઉઠાવવાની કોશીસ કરે એ સેજેય નહી ચલાવી લેવાય એટલે જ હુ જાતે દરરોજ લોકોને રૂબરૂ સાંભળી કાર્યવાહી કરાવુ છું અને લોકોને પોતાના નાણા,ચેક,જમીન કે ગીરવે રાખેલા દાગીના પરત મળે છે આમ બસ આવા સામાન્ય લોકોના કામ કરીને મને શાંતી મળે છે. હજી પણ લોકો ફસાયા હોય તો ચોકકસ રજુઆત કરી શકે છે..
