New Delhi તા.3
દુનિયાના સૌથી મોટા અમીર કારોબારી એલન મસ્કની સંપતિમાં હવે રેકોર્ડબ્રેક સ્તરે ઘટાડો થઈ રહ્યો છે. આ વર્ષે 16 જૂને તેની કુલ સંપતિ 1.33 ટ્રીલિયન ડોલર સુધી પહોંચી ગઈ હતી, પરંતુ તે હવે ઘટીને લગભગ 684 અબજ ડોલર રહી ગઈ છે એટલે કે તેમની દોલત ઘટીને લગભગ અડધી થઈ ગઈ છે.
બ્લુમબર્ગ બિલિનિયર્સ ઈન્ડેકસના અનુસાર આ દરમિયાન મસ્કે 600 અબજ ડોલરથી વધુ સંપતિ ગુમાવી છે, જે દુનિયાના મોટાભાગના અબજોપતિઓની કુલ સંપતિથી પણ વધુ છે. એલન મસ્કની દોલતમાં આટલા મોટા ઘટાડાનું કારણ તેમની કંપનીના સ્પેસ એકસના શેરોમાં ઝડપી ઘટાડો છે. આ ઉપરાંત, ટેસ્લાના નબળા ત્રિમાસિક પરિણામોની પણ અસર પડી છે.
આઈપીઓથી મેળવ્યા હતા 75 અબજ ડોલરઃ ઈતિહાસના સૌથી મોટા આઈપીઓથી સ્પેસએકસે 75 અબજ ડોલર મેળવ્યા હતા, ત્યારબાદ સ્પેસ એકસે જૂનમાં 150 ડોલર દર શેરે કારોબાર શરૂ કર્યો, જે તેના 135 ડોલરના આઈપીઓ મૂલ્યથી 11 ટકા વધુ હતો. સૂચિબદ્ધ થયા બાદ કંપનીના શેરોમાં માત્ર ત્રણ કારોબારી સત્રોમાં 50 ટકાથી વધુ જબરદસ્ત તેજ આવી.
46 ટકા ઘટાડોઃ શરૂઆતમાં રોકાણકારોમાં સ્પેસએકસને લઈને જબરદસ્ત ઉત્સાહ જોવા મળ્યો અને સૂચિબદ્ધ થયાના કેટલાક દિવસોમાં જ શેર વધીને 16 જૂને 202 ડોલરે પહોંચી ગયો. જો કે, આ તેની વધુ સમય સુધી ન ચાલી. ત્યારથી સ્પેસ એકસના શેર પોતાના સૌથી ઉંચા સ્તરથી લગભગ 46 ટકા ઘટીને 108.37 ડોલરના રેકોર્ડબ્રેક નીચલા સ્તરે આવી ગયો છે, જેથી મસ્કની સંપતિ 600 અબજ ડોલર ઘટી ગઈ.
આ અલ્પકાલીન નાણાકીય દબાણ છતાં મસ્ક આક્રમક રોકાણ નીતિ પર કાયમ છે. તેમણે જણાવ્યું હતું કે ટેસ્લા આ વર્ષે 25 અબજ ડોલરથી વધુ ખર્ચ કરવાની યોજના બનાવી રહી છે.
