Mumbai,તા.27
આઈપીએલ 2026 ની 32મી લીગ મેચમાં રાજસ્થાન રોયલ્સએ લખનૌ સુપર જાયન્ટ્સને 40 રનથી હરાવી દીધું. આ લો સ્કોરિંગ મુકાબલામાં રાજસ્થાનને જીત અપાવવામાં આ ટીમના સ્ટાર ઓલરાઉન્ડર રવિન્દ્ર જાડેજાનું મહત્વનું યોગદાન રહ્યું જેણે પહેલા 29 બોલમાં અણનમ 43 રનની ઇનિંગ રમી અને ત્યારબાદ 4 ઓવરમાં 29 રન આપીને એક વિકેટ પણ લીધી.
રવીન્દ્ર જાડેજાને આ ઓલરાઉન્ડ પ્રદર્શન માટે પ્લેયર ઓફ ધ મેચ પસંદ કરવામાં આવ્યો અને આઈપીએલમાં આ તેનો 17મો પ્લેયર ઓફ ધ મેચ ખિતાબ રહ્યો. આ સાથે જ જાડેજા સૌથી વધુ પ્લેયર ઓફ ધ મેચ ખિતાબ જીતનાર ભારતીય ખેલાડીઓની યાદીમાં યુસુફ પઠાણથી આગળ નીકળી ગયો. જોકે આ લીગમાં સૌથી વધુ પ્લેયર ઓફ ધ મેચ ખિતાબ જીતનાર ભારતીય ખેલાડીઓની યાદીમાં રોહિત શર્મા પ્રથમ સ્થાને છે.
રોહિત પહેલા નંબર પર, જાડેજાએ યુસુફને પાછળ છોડ્યો
આઈપીએલમાં ભારતીય ખેલાડી તરીકે રોહિત શર્માએ સૌથી વધુ વખત પ્લેયર ઓફ ધ મેચ ખિતાબ જીતવાનું ગૌરવ અત્યાર સુધી હાંસલ કર્યું છે. રોહિત શર્માએ આ કમાલ અત્યાર સુધી રમાયેલી મેચોમાં કુલ 21 વખત કર્યો છે અને તે પ્રથમ નંબરે છે. આ યાદીમાં બીજા નંબરે વિરાટ કોહલી છે જેણે કુલ 19 વખત પ્લેયર ઓફ ધ મેચ ખિતાબ જીતવાનો કમાલ કર્યો છે. જ્યારે આ બંનેની બરાબર નીચે એટલે કે ત્રીજા સ્થાને એમએસ ધોની છે જેણે આવું 18 વખત કર્યું છે.
રવિન્દ્ર જાડેજાએ લખનૌ સામે 17મી વખત આઈપીએલમાં પ્લેયર ઓફ ધ મેચ ખિતાબ જીતવાનો કમાલ કર્યો અને આ યાદીમાં ચોથા નંબરે પહોંચી ગયો. તેણે યુસુફ પઠાણને પાછળ છોડી દીધો.
જેણે આવું 16 વખત કર્યું હતું અને તે હવે પાંચમા નંબરે આવી ગયો છે. આ યાદીમાં કેએલ રાહુલ છઠ્ઠા સ્થાને છે જેણે આ ખિતાબ આ લીગમાં અત્યાર સુધી 15 વખત જીત્યા છે જ્યારે સુરેશ રૈનાએ 14 વખત આ ખિતાબ જીત્યા હતા અને તે યાદીમાં 7મા સ્થાને છે.
આઈપીએલમાં સૌથી વધુ વખત પ્લેયર ઓફ ધ મેચ બનનાર ટોપ-7 ભારતીય ખેલાડી
►21 : રોહિત શર્મા
► 19 : વિરાટ કોહલી
►18 : એમએસ ધોની
►17 : રવિન્દ્ર જાડેજા
►16 : યુસુફ પઠાણ
►15 : કેએલ રાહુલ
►14 : સુરેશ રૈના
આઈપીએલ 2026 ના 33મા લીગ મેચમાં ચેન્નાઈ સુપર કિંગ્સની મેચ મુંબઈ ઈન્ડિયન્સ સાથે છે.
