Mumbai,તા.15
ગુવાહાટીના બરસાપારા સ્ટેડિયમમાં રાજસ્થાન રોયલ્સ અને રોયલ ચેલેન્જર્સ બેંગલુરૂ વચ્ચે રમાયેલી મેચમાં વૈભવ સૂર્યવંશીએ પોતાની બેટિંગથી ઈતિહાસ રચી દીધો. 202 રનના વિશાળ લક્ષ્યનો પીછો કરતી વખતે વૈભવે જે નિડરતા અને આક્રમકતાનું પ્રદર્શન કર્યું.
તેણે માત્ર તેમની ટીમને જીતની નજીક જ ન પહોંચાડી, પરંતુ તેમના નામે ઘણા રેકોર્ડ્સ પણ નોંધાયા. તેમની 26 બોલમાં 78 રનની તોફાની ઇનિંગે સાબિત કરી દીધું કે તેઓ આઈપીએલના આગામી સુપરસ્ટાર છે.
વૈભવ સૂર્યવંશીને મળ્યાં છે ઘણાં ખિતાબ
આ ધમાકેદાર ઇનિંગના દમ પર વૈભવને માત્ર ‘પ્લેયર ઓફ ધ મેચ’ જ નથી પસંદ કરવામાં આવ્યાં, પરંતુ તેઓ ટુર્નામેન્ટમાં સૌથી વધુ રન બનાવનાર બેટ્સમેન તરીકે ‘ઓરેન્જ કેપ’ પર પણ કબજો જમાવ્યો છે.
વૈભવ હવે આઈપીએલ ઈતિહાસના માત્ર બીજા એવા બેટ્સમેન છે જેમણે બે વાર 15 કે તેનાથી ઓછા બોલમાં ફિફ્ટી લગાવી હોય. વૈભવે આ જ સીઝનમાં ચેન્નાઈ સુપર કિંગ્સ સામે પણ 15 બોલમાં ફિફ્ટી લગાવી હતી.
વિરાટ કોહલી તરફથી મળ્યું વૈભવને ગીફ્ટ
મેચ પછી વૈભવ માટે એક વધુ ખાસ ક્ષણ આવી, જ્યારે દિગ્ગજ ભારતીય બેટ્સમેન વિરાટ કોહલીએ તેમને એક અમૂલ્ય ગીફ્ટ આપી. વિરાટ કોહલીએ વૈભવ સૂર્યવંશીની કેપ પર ઓટોગ્રાફ આપતાં માત્ર હસ્તાક્ષર જ ન કર્યા, પરંતુ તેના પર ખાસ સંદેશ પણ લખ્યોઃ ‘વેલ ડન વૈભવ’.
આ ક્ષણ યુવા ખેલાડી માટે કોઈ સપનાથી ઓછી નહોતી. મેદાન પર પ્રતિસ્પર્ધી હોવા છતાં, ખેલદિલી અને યુવા પ્રતિભાનું સન્માન કરતાં વિરાટનું આ પગલું ખૂબ જ ચર્ચામાં છે.
