Guwahati,તા.૧૧
આઇપીએલની ૧૯મી સીઝન શરૂ થાય તે પહેલાં જ, ૧૫ વર્ષીય ઓપનિંગ બેટ્સમેન વૈભવ સૂર્યવંશી સતત ચર્ચાનો વિષય બન્યો છે, ખાસ કરીને રોયલ ચેલેન્જર્સ બેંગ્લોર સામેની તેની વિસ્ફોટક ઇનિંગ પછી. આ સિઝનમાં મુંબઈ ઇન્ડિયન્સ સામેની મેચમાં જસપ્રીત બુમરાહને બે સિક્સર ફટકારીને અને ત્યારબાદ આરસીબી સામેની મેચમાં જોશ હેઝલવુડને આઉટ કરીને વૈભવ સૂર્યવંશીએ હેડલાઇન્સમાં સ્થાન મેળવ્યું હતું. વૈભવે પોતાની ઇનિંગ દરમિયાન માત્ર ૨૬ બોલનો સામનો કર્યો હતો અને ૩૦૦ ના સ્ટ્રાઇક રેટ સાથે ૭૮ રન બનાવ્યા હતા. આ ઇનિંગ સાથે, વૈભવે ૈંઁન્નો એક મહત્વપૂર્ણ રેકોર્ડ પણ હાંસલ કર્યો હતો.
વૈભવ સૂર્યવંશી હવે ભારતીય ખેલાડી દ્વારા પાવરપ્લેમાં સૌથી વધુ ઇનિંગ્સ ફટકારવાના મામલે ઇન્ડિયન પ્રીમિયર લીગના ઇતિહાસમાં નંબર ૧ સ્થાન ધરાવે છે. જ્યારે વૈભવે રોયલ ચેલેન્જર્સ બેંગ્લોર સામે માત્ર ૧૫ બોલમાં પોતાની ફિફ્ટી પૂરી કરી, ત્યારે તેણે કેએલ રાહુલ, યશસ્વી જયસ્વાલ, ઇશાન કિશન અને રિદ્ધિમાન સાહાને પાછળ છોડી દીધા. આ બધા ખેલાડીઓ ભારતીય ખેલાડીઓ તરીકે આઇપીએલ પાવરપ્લેમાં બે ફિફ્ટી કે તેથી વધુ રન બનાવવાનો રેકોર્ડ ધરાવે છે. ભારતીય ખેલાડી દ્વારા પાવરપ્લેમાં સૌથી વધુ ઇનિંગ્સ ફટકારવાના મામલે વૈભવ સૂર્યવંશી હવે જોસ બટલર સાથે નંબર ૧ સ્થાન ધરાવે છે.
આઇપીએલ પાવરપ્લેમાં સૌથી વધુ ફિફ્ટી પ્લસ ઇનિંગ્સ બનાવનારા ભારતીય ખેલાડીઓઃ વૈભવ સૂર્યવંશી – ૩ વખત,કેએલ રાહુલ – ૨ વખત,ઋદ્ધિમાન સાહા – ૨ વખત,યશસ્વી જયસ્વાલ – ૨ વખત ઈશાન કિશન – ૨ વખત
આરસીબી સામેની મેચમાં ૨૦૨ રનના લક્ષ્યનો પીછો કરતા, વૈભવ સૂર્યવંશી અને ધ્રુવ જુરેલે બીજી વિકેટ માટે માત્ર ૩૭ બોલમાં ૧૭.૫૧ ના રન રેટ સાથે ૧૦૮ રનની ભાગીદારી કરી.આઇપીએલ ઇતિહાસમાં ૧૦૦ કે તેથી વધુ રનની આ બીજી સૌથી ઝડપી ભાગીદારી છે. આ યાદીમાં ટોચ પર અભિષેક શર્મા અને ટ્રેવિસ હેડની ૨૦૨૪ આઇપીએલ સીઝનમાં દિલ્હી કેપિટલ્સ સામે ૩૮ બોલમાં ૧૩૧ રનની ભાગીદારી છે, જેનો રન રેટ ૨૦.૬૮ છે.
