New Delhi, તા. 11
41 વર્ષીય ક્રિસ્ટિયાનો રોનાલ્ડો કરિયરમાં 1,000 ગોલના ઐતિહાસિક આંકડાથી માત્ર 24 ગોલ દૂર છે. તે સાઉદી પ્રો લીગમાં 15 ઓગસ્ટથી અલ-ફતેહ સામે 2026/27 સીઝનની શરૂઆત કરશે. જો વર્તમાન ઝડપ જળવાઈ રહેશે તો ફેબ્રુઆરી 2027માં તે આ સિદ્ધિ હાંસલ કરી શકે છે.
976 ગોલ : ક્લબ અને દેશ માટે સત્તાવાર મુકાબલાઓમાં રોનાલ્ડોના નામે કુલ 976 ગોલ છે.
પોર્ટુગલ માટે :
2024થી અત્યાર સુધી : 24 મેચોમાં 16 ગોલ
એટલે કે સરેરાશ દર 1.5 મેચમાં એક ગોલ
અલ નાસરમાં સફર
અલ નાસર માટે રોનાલ્ડો 148 મેચોમાં 129 ગોલ કરી ચૂક્યો છે.
એટલે કે સરેરાશ પ્રતિ 1.15 મેચમાં એક ગોલ
કેટલી મેચો લાગશે?
રોનાલ્ડો જો સપ્ટેમ્બર-નવેમ્બરમાં પોર્ટુગલની છ મેચોમાં લગભગ ચાર ગોલ કરે છે, તો ક્લબ માટે વધુ 20 ગોલ જોઈશે. વર્તમાન ઝડપ મુજબ આના માટે લગભગ 23 મેચો પૂરતી થઈ શકે છે.
સંભવિત સમય
ડિસેમ્બર સુધી 1,000 ગોલ પૂરા કરવા મુશ્કેલ જણાય છે. ફિટનેસ અને વ્યસ્ત કાર્યક્રમને જોતાં ફેબ્રુઆરી-માર્ચ 2027નો સમય સૌથી વધુ સંભવિત માનવામાં આવે છે. ત્યારે અલ-ઇત્તિહાદ અથવા AFC ચેમ્પિયન્સ લીગની મેચો દરમિયાન 1,000મા ગોલની ઐતિહાસિક ક્ષણ જોવા મળી શકે છે.
શા માટે વિલંબ થઈ શકે?
41 વર્ષની ઉંમરે રોટેશન અને આરામ જરૂરી
અલ નાસરનો અત્યંત વ્યસ્ત કાર્યક્રમ
ક્લબ અને દેશ બંનેની મેચો
ઈજાથી બચવા માટે મિનિટોનું મેનેજમેન્ટ
કેમ છે ખાસ સિદ્ધિ ?
પેલે, રોમારિયો, ફેરેન્ક પુસ્કાસ અને ગર્ડ મુલરના પણ 1,000થી વધુ ગોલ માનવામાં આવે છે, પરંતુ તેમાં બિન-સત્તાવાર અને પ્રદર્શની મેચો સામેલ છે. રોનાલ્ડો સત્તાવાર સ્પર્ધાત્મક મેચોમાં 1,000 ગોલ કરનાર વિશ્વનો પ્રથમ ખેલાડી બની શકે છે.
