New Delhi,તા.13
પાકિસ્તાન સુપર લીગ 2026 ની 18મી મેચમાં ક્વેટા ગ્લેડિયેટર્સ અને રાવલપિંડી વચ્ચે બોલિંગ એક્શન વિવાદ શરૂ થયો હતો. આ ઘટના રાવલપિંડીની ઇનિંગની નવમી ઓવરમાં બની હતી જ્યારે સ્પિનર ઉસ્માન તારિક બોલિંગ કરવા આવ્યો ત્યારે તેના વિચિત્ર એક્શન થી કિવી બેટ્સમેન ડેરિલ મિશેલ બે વાર ક્રિઝ પર થી હટી ગયો.
મિશેલની આ કાર્યવાહીથી મેદાન પર બંને ટીમોના ખેલાડીઓ અને અમ્પાયરો વચ્ચે લાંબી ચર્ચા શરૂ થઈ. ઉસ્માન તારિકની બોલિંગ એક્શન લાંબા સમયથી ચર્ચા અને વિવાદનો વિષય રહી છે. તારિક દલીલ કરે છે કે તેના કોણીના સાંધામાં કુદરતી રીતે ડબલ- જોઈન્ટ ની સમસ્યા છે, જે તેના હાથની ગતિને ધીમી પડે છે આથી બોલિંગ કરતી વખતે તે વિરામ લે છે.
જોકે, બેટ્સમેનો તેને રમતની ભાવનાનું ઉલ્લંઘન અને એકાગ્રતાનું ઉલ્લંઘન માને છે. તાજેતરમાં, ઓસ્ટ્રેલિયા સામેની ઘરઆંગણેની શ્રેણી દરમિયાન, કેમેરોન ગ્રીને પણ તારિક દ્વારા આઉટ થયા બાદ ચકિંગનો ઈશારો કરીને વિવાદ ઉભો કર્યો હતો.
