Bangladesh ,તા.21
ભારતના પડોશી દેશ બાંગ્લાદેશમાં સ્થિતિ બેકાબૂ બની રહી છે. હોર્મુઝની ખાડીમાં ચાલી રહેલા સંઘર્ષને કારણે તેલનો પુરવઠો ખોરવાતા 17 કરોડની વસ્તી ધરાવતો આ દેશ અંધકાર તરફ ધકેલાઈ રહ્યો છે. ઢાકા સહિતના મુખ્ય શહેરોમાં પેટ્રોલ પંપો પર 12-12 કલાક લાંબી લાઈનો લાગી રહી છે.
બાંગ્લાદેશ તેની તેલ અને ગેસની જરૂરિયાત માટે 95% આયાત પર નિર્ભર છે, જે મુખ્યત્વે મિડલ ઈસ્ટથી આવે છે. હોર્મુઝ શિપિંગ રૂટ બંધ થતાં બાંગ્લાદેશમાં ઈંધણની ભારે અછત સર્જાઈ છે. સરકાર દ્વારા ડિઝલના ભાવમાં 15% નો વધારો કરવા છતાં સ્થિતિ સુધરી રહી નથી.
