Morbi તા 20
મોરબીના ભક્તિનગર સર્કલ પાસે આવેલ સીટી મોલમાં ત્રીજા માળે આવેલ શિવ ઇમ્પેક્ષ નામની ઓફિસમાં એ ડિવિઝન પોલીસની ટીમ દ્વારા રેડ કરવામાં આવતા આઈપીએલની ક્રિકેટ મેચ ઉપર સટો રમતા હોવાનું સામે આવ્યું હતું જેથી સ્થળ ઉપરથી પોલીસે ચાર શખ્સોને પકડ્યા છે અને તેની પાસેથી રોકડ, મોબાઈલ, વાહન વિગેરે મળીને 5.26 લાખથી વધુની કિંમતનો મુદામાલ કબજે કરવામાં આવ્યો છે આઈપીએલની ક્રિકેટ મેચ ઉપર જુગાર રમવા માટે આઈડી આપનારા ચાર શખ્સોના નામ સામે આવ્યા હોય પોલીસે કુલ આઠ શખ્સોની સામે ગુનો નોંધીને બાકીના ચાર આરોપીઓને પકડવા તજવીજ શરૂ કરી છે.
એ ડિવિઝન પોલીસની ટીમ પેટ્રોલિંગમાં હતી ત્યારે ભક્તિનગર સર્કલ પાસે સીટી મોલમાં ત્રીજા માળે દુકાન નંબર 301 માં શિવ ઇમ્પેક્ષ નામની ઓફિસ ધરાવતા અનિલભાઈ માવજીભાઈ ડાભીની ઓફિસમાં આઈપીએલની ક્રિકેટ મેચ ઉપર સટો રમતા હોવાની ચોક્કસ હકીકત મળી હતી જેના આધારે પોલીસે ત્યાં રેડ કરી ત્યારે સ્થળ ઉપરથી રાજસ્થાન રોયલ અને કલકત્તા નાઈટ રાઈડર્સ વચ્ચે રમાઈ રહેલ ક્રિકેટ મેચ ઉપર સટો રમવા માટે દુકાનદાર દ્વારા સાધનો પૂરા પાડવામાં આવ્યા હોવાનું સામે આવ્યું હતું.
જેથી પોલીસે અનિલભાઈ માવજીભાઈ ડાભી (28) રહે. રવાપર રોડ નરસંગ ટેકરી પાછળ મેઘાણીની વાડી મોરબી, બ્રિજેશ મનસુખભાઈ માલવીયા (30) રહે. ક્ધયા છાત્રાલય રોડ ધર્મ વિજય સોસાયટી શિવમ એપાર્ટમેન્ટ બ્લોક નંબર 703 પરેશ નાગજીભાઈ પઢીયાર (40) રહે. બોની પાર્ક મંગલમ એપાર્ટમેન્ટ બ્લોક નંબર 601 તથા હર્ષદલાલજીભાઈ પાસિયા (20) રહે. સોઓરડી સામાકાંઠે રચના સોસાયટી મળી આવ્યા હોય પોલીસે તેની પાસેથી 15,600 ની રોકડ, 60000 રૂપિયાની કિંમતના 7 મોબાઈલ ફોન તથા 4.5 લાખ રૂપિયાની કિંમતના ચાર વાહન આમ કુલ મળીને 5,26,600 રૂપિયાની કિંમતનો મુદ્દામાલ કબજે કર્યો છે,
પકડાયેલા આરોપીઓની પ્રાથમિક પૂછપરછ દરમિયાન તેણે ક્રિકેટ સટાનો જુગાર રમવા માટે આઈડી હસુભાઈ ઠાકર બ્રિજેશ પડસુંબિયા રહે. વાવડી મોરબી, રજાકભાઈ રહે. રાજકોટ અને જયદીપભાઇ પટેલ રહે. મોરબી પાસેથી મેળવી હોવાનું સામે આવ્યું હતું જેથી પોલીસે એ ડિવિઝન પોલીસ સ્ટેશન ખાતે 8 શખ્સો સામે ગુનો નોંધીને જુગાર રમવા માટે થઈને આઈડી આપનારા ચાર શખ્સોને પકડવા માટે તજવીજ શરૂ કરી છે. અત્રે ઉલ્લેખની છે કે જુગારની રેડ કરવામાં આવી હતી ત્યારે ત્યાં સ્થળ ઉપરથી મળી આવેલા શખ્સો પૈકી બ્રિજેશ મનસુખભાઈ માલવીયા, હર્ષદ લાલજીભાઈ પાસિયા અને પરેશ નાગજીભાઈ પઢારિયા નમન શખ્સો નસાની હાલતમાં મળી આવ્યા હતા જેથી આ ત્રણેય શખ્સો સામે અલગથી પ્રોહિબિશનના ગુના પણ નોંધવામાં આવેલ છે.
રબીના વનાળીયા ગામે પ્રાથમિક શાળાની પાછળના ભાગમાં પોલીસે રેડ કરી ત્યારે સ્થળ ઉપરથી સાહિલભાઈ આદમભાઈ સુમરા (25) અને જાવેદભાઈ હનીફભાઈ સુમરા (19) રહે. બંને વનાળીયા જુગાર રમતા મળી આવ્યા હોય પોલીસે તેની પાસેથી 3,100 ની રોકડ કબજે કરી હતી અને તાલુકા પોલીસ સ્ટેશન ખાતે ગુનો નોંધી કાર્યવાહી હાથ ધરી છે.
