Mumbai,તા.૯
બોલિવૂડ એક્ટ્રેસ શિલ્પા શેટ્ટી ફરી એકવાર મુશ્કેલીમાં છે. તેની સામે મુઝફ્ફરપુર સીજેએમ કોર્ટમાં ફરિયાદ દાખલ કરવામાં આવી છે. આ ફરિયાદ ચાર લોકો સામે કરવામાં આવી છે. આ મામલામાં સુનાવણી ૧૧ નવેમ્બર ૨૦૨૪ના રોજ થશે. તેમના પર સામાન્ય લોકોની સુવિધામાં અવરોધ ઉભો કરવાનો આરોપ છે.
શિલ્પા શેટ્ટીએ રવિવારે સાંજે કલ્યાણ જ્વેલરીની ઓપનિંગ સેરેમનીમાં હાજરી આપી હતી. આ ઘટના કલામ બાગ ચોક પાસે હતી. જ્યાં શિલ્પા શેટ્ટી ગેસ્ટ તરીકે પહોંચી હતી. આવી સ્થિતિમાં રોડની બંને બાજુ ભારે ભીડ ઉભી થઈ ગઈ હતી. પરિણામે સામાન્ય લોકોને ભારે ટ્રાફિક જામનો સામનો કરવો પડ્યો હતો.
ફરિયાદ દાખલ કરનાર એડવોકેટ સુધીર કુમાર ઓઝાએ જણાવ્યું હતું કે આવા ખાનગી કાર્યક્રમને કારણે કલાકો સુધી રોડ પર ટ્રાફિક જામ રહેતો હતો. સામાન્ય લોકોને પણ ભારે મુશ્કેલીનો સામનો કરવો પડ્યો હતો. તેણે અભિનેત્રીની સાથે ડીએમ સુબ્રત સેન, કલ્યાણ જ્વેલર્સના ટીએમ કલ્યાણ રમણ અને અન્ય સામે ફરિયાદ નોંધાવી છે. હવે આ કેસની સુનાવણી ૧૧ નવેમ્બરે થવાની છે.આ વર્ષે જૂનમાં પણ શિલ્પા શેટ્ટી અને તેના પતિ રાજ કુન્દ્રા કાયદાકીય મુશ્કેલીઓમાં ફસાયેલા જોવા મળ્યા હતા. બુલિયન વેપારીએ તેના પર છેતરપિંડીનો આરોપ લગાવીને કોર્ટમાં કેસ દાખલ કર્યો હતો. ત્યારબાદ કોર્ટે પોતાના આદેશમાં તપાસના આદેશ આપ્યા હતા. આ મામલો સ્કીમ સ્ટાર્ટ સાથે સંબંધિત હતો.
