યુવાન હોટેલનો વ્યવસાય વેળાએ પરિચયમાં આવેલો મિસ્ત્રીએ આર્થિક ખેંચમાં ચોરી કર્યાની કબુલાત
Rajkot તા.27
શહેરના લીંબુડીવાડીમાં જમીન-મકાનના ધંધાર્થીની ઓફિસનો લોક તોડી તસ્કર રૂ. 10 હજારની રોકડ સહીતની તિજોરી ઉઠાવી ગ્યો હતો. જે મામલે ગાંધીગ્રામ પોલીસે ગુનો નોંધી મિસ્ત્રી કામ કરતા તસ્કરને દબોચી મુદ્દામાલ રિકવર કરવા તજવીજ આદરી હતી. કાલાવડ રોડ પર વિષ્ણુ વિહાર સોસાયટીમાં રહેતા 29 વર્ષીય વેપારી યુવાન શિવરાજસિંહ જનકસિંહ રાણાએ નોંધાવેલી ફરિયાદમાં જણાવ્યું હતું કે, હું જમીન મકાનનો વેપાર કરુ છું. મારી જમીન મકાનની લે-વેચ માટેની ઓફીસ માધવ વાટીકા કોમ્પલેક્ષ, ઓફીસ નં. ૧૨, લીંબુડીવાડી મેઈન રોડ પર ઓફિસની તિજોરીમા મે રોકડા રુપિયા દસ હજાર રાખેલ હતા. તિજોરી મળી આવી ન હતી. જેથી તસ્કર દરવાજાનો લોક તોડી ઓફિસમાં પ્રવેશી રૂ. 10 હજારની રોકડ સાથેની તિજોરી ઉઠાવી ગયાની જાણ થતાં જમીન-મકાનના ધંધાર્થીએ ચોરી અંગેની ફરિયાદ નોંધાવી હતી. ફરિયાદી જમાવડો હોટેલ ધરાવતા હતા. ત્યારે હોટેલની નજીકમાં રહેતો અને મિસ્ત્રી કામ કરતો તસ્કર પરિચયમાં આવ્યો હતો. ફરિયાદી હોટેલ અને જમીન-મકાનનો ધંધો ધરાવે છે તે મિસ્ત્રી કામ કરતો શખ્સ જાણતો હતો. હાલ તસ્કર આર્થિક ખેંચ અનુભવતો હોય ફરિયાદીની ઓફિસમાં મોટો દલ્લો મળશે તેવી અપેક્ષાએ તેણે ચોરીને અંજામ આપ્યાની કબૂલાત પોલીસ સમક્ષ આપી હતી.
