Hyderabad,તા.૨૧
આમિર ખાનની પૂર્વ પત્ની કિરણ રાવની ફિલ્મ ’લાપતા લેડીઝ’ ઓસ્કાર ૨૦૨૫માં પોતાનો જાદુ બતાવવા માટે તૈયાર છે. લાપતા લેડીઝ આ વર્ષે ૧ માર્ચના રોજ રિલીઝ થઈ હતી અને તેણે ભારતીય અને વિશ્વવ્યાપી બોક્સ ઓફિસ પર તેના બજેટથી છ ગણી કમાણી કરી હતી. તે જ સમયે, ૪ ઓક્ટોબરના રોજ, જાપાનમાં લાપતા લેડીઝ ફિલ્મ રિલીઝ થઈ. જાપાનમાં આ ફિલ્મે પ્રભાસની સાલાર અને શાહરૂખ ખાનની પઠાણની કમાણીનો રેકોર્ડ તોડી નાખ્યો છે.
જાપાનમાં લાપતા લેડીઝને રિલીઝ થયાને ૪૫ દિવસ થઈ ગયા છે. આ ફિલ્મે જાપાનીઝ બોક્સ ઓફિસ પર ત્ત્૫૦સ્ કમાણી કરી છે. આ સાથે લાપતા લેડીઝ જાપાનમાં સૌથી વધુ કમાણી કરનાર ૧૪મી ફિલ્મ બની ગઈ છે. લાપતા લેડિઝે જાપાનના બોક્સ ઓફિસ કલેક્શનમાં શાહરૂખ ખાનની બ્લોકબસ્ટર પઠાણ (ત્ત્૫૦સ્) અને દક્ષિણ સુપરસ્ટાર પ્રભાસ સ્ટારર સલાર-પાર્ટ ૧ઃ સીઝફાયર (ત્ત્૪૬સ્) નો રેકોર્ડ તોડ્યો છે. તે જ સમયે, લાપતા લેડીઝ એ ભારતમાં ૨૪ કરોડ રૂપિયા અને વિશ્વભરમાં ૨૭ કરોડ રૂપિયાનું કલેકશન કર્યું હતું.
તમને જણાવી દઈએ કે, લાપતા લેડીઝ જાપાની દર્શકો દ્વારા ખૂબ જ પસંદ કરવામાં આવી રહી છે. એવું કહેવામાં આવી રહ્યું છે કે હવે આ ફિલ્મ બાહુલબલી – ધ બિગિનિંગ (ત્ત્૭૫.૬૯સ્)ના કલેક્શનને પછાડી શકે છે અને લિસ્ટમાં ૧૩મું સ્થાન મેળવી શકે છે. તમને જણાવી દઈએ કે, જાપાનમાં સૌથી વધુ કમાણી કરનારી ફિલ્મોની યાદીમાં ઇઇઇ ટોચ પર છે.
તમને જણાવી દઈએ કે,લાપતા લેડીઝને ૯૮માં એકેડેમી એવોર્ડ્સ (ઓસ્કાર ૨૦૨૫)માં બેસ્ટ ઈન્ટરનેશનલ ફીચર કેટેગરીમાં પસંદ કરવામાં આવી છે. ૯૮મો ઓસ્કાર ૨ માર્ચ, ૨૦૨૫ ના રોજ હોલીવુડ, લોસ એન્જલસમાં ડોલ્બી થિયેટરમાંથી જીવંત પ્રસારણ કરવામાં આવશે અને ૩ માર્ચ, ૨૦૨૫ ના રોજ ભારતમાં જોવા મળશે
