મુળ એમપીની મહિલાને રાતે લાકડીથી માર માર્યો બે દિકરા દેકારો સાંભળી આવ્યા, મહિલાએ સારવારમાં દમ તોડયો: પતિ સકંજામાં
Jasdan,તા.03
જસદણ તાલુકાના રણજીતગઢ ગામે વાડીએ નશાખોર પતિએ પત્નિને લાકડીથી બેફામ ફટકારી તેમજ તેણીએ કાનમાં પહેરેલુ ઘરેણું ખેંચીને કાન ચીરી નાંખી ગભીર ઇજાઓ પહોંચાડતાં તેણીને સારવાર માટે રાજકોટ ખસેડવામાં આવી હતી. અહિ તેણીનું મોત થતાં બનાવ હત્યામાં પલ્ટાયો હતો.જાણવા મળ્યા જસદણના તાબેના રણજીતગઢ ગામે અશ્વીનભાઈની વાડીમાં એકાદ મહિનાથી ભાગીયા તરીકે રહેવા આવેલા મધ્યપ્રદેશના ભુરીબેન ધનસીંગ ડાવર (ઉ.વ.૪૫)ને રાતે બે વાગ્યે તેના પતિ ધનસિંગે લાકડીથી બેફામ મારકુટ કરી તેણીના કાનમાં પહેરેલુ ઘરેણું ખેંચીને કાન ચીરી નાંખતા ગંભીર ઈજા થતાં સારવાર માટે રાજકોટ સિવિલ હોસ્પિટલમાં ખસેડાતાં હોસ્પિટલ ધર્મેન્દ્રભાઇ હુદડે ભાડલા પોલીસને જાણ કરી હતી. ભુરીબેનને સંતાનમાં બે પુત્રો છે. પુત્રોએ કહ્યું હતું કે રાતે માતા અને પિતા વચ્ચે કોઈ બાબતે માથાકુટ થઈ હતી. એ વખતે પોતે બંને ભાઈઓ વાડીનાપાણી વાળી રહ્યા હતાં. માતાની ચીસો સાંભળીને પોતે રૂમ પર દોડી આવ્યા ત્યારે પોતાની માતાને પિતા મારકુટ કરતો દેખાયો હતો. એ પછી તે ભાગી ગયો હતો. માતાના કાનમાં પહેરેલું ઘરેણું ખેંચાતા તેનો કાન પણ ચિરાઈ ગયો હતો. તેમજ મોઢા માથા પર પણ ઈજાઓ હતી. કદાચ લાકડીના ફટકા માર્યા હોય તેવુ લાગતું હતું. અમે બાદમાં વાડી માલિકને જાણ કરી હતી અને જસદણ સારવાર અપાવી માતાને રાજકોટ ખસેડી હતી.સારવાર દરમિયાન ભુરીબેને દમ તોડી બનાવ પલ્ટાયો હતો. ભાડલા પોલીસે પતિને સકંજામાં લીધો હતો. તેણે નશાની હાલતમાં કોઈ કારણે ઝઘડો કરી પત્નિને મારકુટ કરી હોવાની પ્રાથમિક વિગતો સામે આવી છે. પોસ્ટમોર્ટમ રિપોર્ટ બાદ પોલીસ આગળની કાર્યવાહી કરશે.
