Ahmedabad, તા.26
ગુજરાત હાઇકોર્ટની ખંડપીઠે ભાવનગરના સબ-ડિવિઝનલ મેજિસ્ટ્રેટ દ્વારા જારી કરાયેલા આદેશને રદ કર્યો છે. જેમાં મુસ્લિમ ખરીદદાર દંપતી દ્વારા ડિસ્ટર્બ્ડ એરિયા એક્ટ હેઠળ પરવાનગી આપવા માટે કરાયેલી અરજીને ફગાવી દેવામાં આવી હતી.
દંપતીએ જેમણે હિંદુ વિક્રેતા પાસેથી મિલકત ખરીદી હતી પરંતુ તેઓને મંજૂરી નહીં મળતા હાઇકોર્ટમાં અરજી કરી હતી. તેની સુનાવણી બાદ તેમને હાઈકોર્ટે આદેશ રદ્દ કરીને ઓથોરિટીને છ સપ્તાહમાં અરજી પર નવેસરથી નિર્ણય લેવાનો આદેશ આપ્યો હતો.
હાઈકોર્ટ મનોજ કણબી દ્વારા દાખલ કરાયેલી અરજી પર સુનાવણી કરી રહી હતી જેમાં તેણે ભાવનગરના કૃષ્ણનગરમાં બોરડી ગેટ ખાતે પંકજ સોસાયટીમાં 256 ચોરસ મીટરના પ્લોટની મિલકત વેચી દીધી હોવાનો મુદ્દો ઉઠાવ્યો હતો.
તેઓએ જાન્યુઆરી, 2023 માં વેચાણ માટે કરાર કર્યો હતો અને તેનો કબજો ખરીદનાર મોહમ્મદ હસનૈન વિરાણી અને યાસ્મીન વિરાણીને આપવામાં આવ્યો હતો અને તેઓએ પ્લોટમાં રહેતા હોવાનું જણાવ્યું હતું. આ વિસ્તારને અશાંત ધાર હેઠળ સૂચિત કરવામાં આવ્યા છે તેથી તેઓએ SDM ની ફરજિયાત પરવાનગી માટે અરજી કરી.
જો કે, મામલદાર અને પોલીસ સત્તાવાળાએ નકારાત્મક અભિપ્રાય આપ્યો હતો કારણ કે સોસાયટીના ચેરમેન અને સેક્રેટરીએ મિલકતના ટ્રાન્સફર સામે વાંધો ઉઠાવ્યો હતો કારણ કે સોસાયટીમાં હિન્દુઓ અને જૈનોની બહુમતી છે. મિલકતના વેચાણને કારણે પણ સાંપ્રદાયિક અશાંતિ સર્જાઈ શકે છે.
અરજદારે હાઈકોર્ટમાં રજૂઆત કરી હતી કે, SDM એ અધિનિયમ, 1991ની કલમ 5(3)(બ) ની જોગવાઈઓ મુજબ કામગીરી કરી નથી, જેમાં સ્થાવર મિલકતના ટ્રાન્સફરનો નિર્ણય લેવા, ટ્રાન્સફર કરનાર અને ટ્રાન્સફર કરનાર વ્યક્તિની મુક્ત સંમતિ અને ટ્રાન્સફર કરવાની દરખાસ્ત કરેલ સ્થાવર મિલકતની વાજબી કિંમત નક્કી કરવામાં આવી છે કે નહીં તેની જોગવાઈ કરવામાં આવી છે. કલેકટર કચેરી દ્વારા કરવામાં આવેલા આદેશમાં આવી કોઈ જાણકારી આપવામાં આવી નથી.
બીજી બાજુ સરકારી વકીલે રજૂઆત કરી હતી કે, સંબંધિત સત્તાવાળાઓ તેમજ વાંધો ઉઠાવનારાઓ પાસેથી સંબંધિત અભિપ્રાયો મેળવ્યા બાદ અરજીનો નિર્ણય લેવામાં આવ્યો છે. બંને પક્ષકારોને સાંભળ્યા પછી, હાઈકોર્ટે આ મામલે કાયદાની જોગવાઈને ધ્યાનમાં રાખીને નવેસરથી નિર્ણય લેવા માટે સત્તામંડળને પાછો મોકલવામાં આવેલ છે.
