Gondal, તા.7
ગોંડલ પોસ્ટ ઓફિસમાં ગૌરવ નામનાં શખ્સે અધિકારી પર હુમલો કર્યો હતો. આરોપીના પિતા અગાઉ ગોંડલ પોસ્ટ ઓફિસમાં નોકરી કરતાં હતા ત્યારે ફ્રોડ કરેલ હોય જે બાબતે અધિકારીએ ઓફીસે બોલાવ્યા હતા. જેનો ખાર રાખી મારા પિતાને કેમ બોલાવો છો કહીં ગૌરવે પોસ્ટ ઓફીસના અધિકારીને માર માર્યો હતો.
ફરિયાદી નિલયભાઈ મહેશકુમાર પરમાર (ઉ.વ-35, રહે.રાજકોટ, અક્ષર વાટીકા, વૈશાલી નગર શેરીનં.06) એ ફરિયાદમાં જણાવ્યું હતું કે પોતે ગોંડલ પોસ્ટ ઓફીસમાં સાઉથ સબ.ડીવીઝનલ ઇન્સ્પેક્ટર તરીકે ફરજ બજાવે છે.
ગઈ કાલ સવારના સવારના અગ્યારેક વાગ્યાના આસપાસ પોતે પોસ્ટ ઓફીસની ઓફીસમાં ફરજ પર હતાં. અને અન્ય સ્ટાફ પણ હાજર હતો. અમારી પોસ્ટ ઓફીસની શીશક બ્રાન્ચમાં બ્રાન્ચ પોસ્ટ માસ્ટર તરીકે નોકરી કરતા તરુણભાઈનો દીકરો ગૌરવ તથા એક બીજો અજાણ્યો માણસ આવેલ અને આ ગૌરવે આવી મને કહેલ કે મારા પપ્પાને કેમ અહી બોલાવો છો કહી મને જેમ ફાવે તેમ બોલવા લાગેલ અને ઢિકાપાટુનો માર મારવા લાગેલ.
તેવામાં અમારી પોસ્ટ ઓફીસના કર્મચારીઓ આવી ગૌરવને રોકી દીધેલ.અને કહેલ કે તુ બહાર નીકળીશ તો તને જોઇ લઇશ તેમ કહીને જતો રહેલ. વધુમાં જણાવ્યું હતું કે આ ગૌરવના પપ્પા તરૂણભાઈ જે અમારી શીશક પોસ્ટ ઓફીસમા નોકરી કરતા હતા.
ત્યારે તેને રૂ.6,000 નુ ફ્રોડ કરેલ હોય તે બાબતે તરુણભાઈ ઉપર ખાતાકીય પગલા ચાલુ હોય જેથી અમારી હેડ ઓફીસે તરૂણભાઈને અમારી ઉપરી અધીકારીના હુકમથી નીવેદન આપવા અગાઉ બોલાવેલ હોય પણ આવતા ન હોય અને તે આજરોજ આવવા ના હોય પણ તરૂણભાઇ આવેલ ન હોય અને તેનો દીકરો અમારી ઓફીસમા આવી માથાકુટ કરેલ હતી. બનાવ અંગે ગોંડલ સીટી પોલીસે ગુનો નોંધી કાર્યવાહિ હાથ ધરી છે.
