Morbi,તા.04
મોરબી નગરપાલિકામાં ભાજપના શાસકો દ્વારા ખોટી રીતે કલમ ૪૫ (ડી) હેઠળ કરવામાં આવેલ કામોની નાણાકીય રીકવરી કરવાની માંગ સાથે જીલ્લા કોંગ્રેસ પ્રમુખે મ્યુનીસીપલ કમિશ્નરને રજૂઆત કરી છે
મોરબી જીલ્લા કોંગ્રેસ સમિતિ પ્રમુખ કિશોરભાઈ ચીખલીયાએ મોરબી મહાનગરપાલિકાના કમિશ્નરને રજૂઆત કરી જણાવ્યું છે કે નગરપાલિકામાં ભાજપનું શાસન હતું ત્યારે તમામ બાવન સભ્યો ભાજપના હતા છતાં જે કામ જનરલ બોર્ડની બેઠકમાં ઠરાવ કર્યા બાદ કરવાના હોય તેવા રોડ રસ્તા, પેવર બ્લોક, ઓફિસ અને ઘરના રીનોવેશનના કામ આપાતકાલીન ગણીને કલમ ૪૫ (ડી) હેઠળ લઈને કરવામાં આવ્યા છે જે ખરેખર કલમ હેઠળ કરાવી ન સકાય અને તેની માહિતી અધિકારી અધિનિયમ ૨૦૦૫ હેઠળ માંગવામાં આવી ત્યારે પાલિકા કચેરી તરફથી જે માહિતી મળી છે તેમાં દર્શાવેલ કામોમાંથી મોટાભાગના કામ કલમ ૪૫ (ડી) હેઠળ કરાવી સકાય નહિ તેમ છતાં આવા કામ જે તે સમયની ભાજપની બોડીના સત્તાધીશો અને અધિકારી દ્વારા કરાવવામાં આવ્યા છે અને પ્રજાના પૈસાનો દુરુપયોગ કરાયો છે
નગરપાલિકા દ્વારા કલમ ૪૫ ( ડી) હેઠળ ના આવી સકાય તેવા કામને માત્ર કરાવવામાં આવ્યા છે પરંતુ તેના બીલ પણ તાબડતોડ પાલિકાના સ્વભંડોળમાંથી ચૂકવી આપવામાં આવ્યા છે જેથી નીતિ નિયમોનો ઉલાળિયો કરીને કલમ ૪૫ (ડી) હેઠળ જે કામ ભાજપની બોડી દ્વારા કરાવવામાં આવ્યા છે તેની સંપૂર્ણ રીતે નાણાકીય રીકવરી કરવા મતે નક્કર કામગીરી કરવામાં આવે તેવી માંગ કરી છે આગામી સમયમાં આ મુદે સ્થાનિક કોર્ટથી લઈને હાઈકોર્ટ સુધી જવાની તૈયારી દર્શાવવામાં આવી છે
