Morbi,તા.15
મોરબી જીલ્લામાં હથિયારોની હેરાફેરી સતત વધી રહી છે અને છાશવારે પોલીસ હથિયાર સાથે ઇસમોને ઝડપી લેતી હોય છે જેમાં વિસીપરા વિસ્તારમાંથી એક ઈસમને દેશી બનાવટની જામગરી બંદુક સાથે ઝડપી લઈને કાયદેસર કાર્યવાહી હાથ ધરી છે
મોરબી સીટી બી ડીવીઝન પોલીસ ટીમ પેટ્રોલિંગમાં હોય દરમિયાન વિસીપરા ગુજરાત મેરીટાઈમ બોર્ડની ઓફીસ પાસે એક ઇસમ મરૂન કલરનો શર્ટ અને ભૂરા કલરનું જેકેટ તથા કાળા કલરનું પેન્ટ પહેરેલ ઇસમ પાસે ગેરકાયદે હથિયાર હોવાની બાતમી મળતા ટીમે રેડ કરી હતી જ્યાં વિસીપરામાંથી આરોપી ઈરફાન રહીમ સુમરા (ઉ.વ.૨૧) રહે ફૂલછાબ કોલોની, વિસીપરા મોરબી વાળાને દેશી હાથ બનાવટની જામગરી બંદુક નંગ ૦૧ કીમત રૂ ૨૦૦૦ નો મુદામાલ કબજે લઈને આર્મ્સ એક્ટ મુજબ કાયદેસર કાર્યવાહી હાથ ધરી છે
