Vadodara,તા.૧૦
વડોદરા શહેર નજીક આવેલ અખંડ ફાર્મમાં જાણીતા ઉદ્યોગપતિ પૌત્રીનું પ્રિ-વેડિંગ ફંક્શન ચાલી રહ્યું હતું. ત્યારે સ્વાભાવિક છે કે મોટો પ્રસંગ હોય ત્યારે બહામગામથી તેમજ વિદેશથી અનેક મહેમાનો પ્રસંગમાં હાજરી આપવા માટે આમંત્રણ આપવામાં આવ્યું હોઈ આ પ્રિ-વેડીંગ ફંક્શનમાં મોટા ઉદ્યોગપતિઓ સહિત વિદેશી મહેમાનો, પૂર્વ ક્રિકેટરો સહિત અન્ય મોટી હસ્તીઓ આ ફંક્શનમાં હાજર રહ્યા હતા. ત્યારે ન જાણ્યું જાનકી નાથે શું થવાનું છે, એવું જ થયું. આ પ્રિ-વેડિંગ ફંક્શનમાં અચાનક જ પોલીસનો પહોંચી જતા સૌ કોઈ ચોંકી ઉઠ્યા હતા.
વડોદરાનાં બહુચર્ચિત અખંડ ફાર્મ હાઉસ કેસનો ૮ વર્ષે ચૂકાદો આવવા પામ્યો છે. ટ્રાન્સફોર્મ કંપનીનાં માલિક જીતેન્દ્ર શાહની પૌત્રીનાં તા. ૨૨ ડિસેમ્બર ૨૦૧૬ નાં રોજ અખંડ ફાર્મ હાઉસમાં લગ્ન પ્રસંગની પાર્ટી ચાલી રહી હતી. ત્યારે લગ્ન પ્રસંગની પાર્ટીમાં લોકો દારૂની મહેફિલ માણી રહ્યા હોવાની બાતમી મળતા પોલીસ દ્વારા મહેફિલમાં દરોડો પાડી મોટા ઉદ્યોગપતિઓ, વેપારીઓ, વકીલો, ર્ડાક્ટરો સહિત કુલ ૨૭૧ લોકોને ઝડપી પાડ્યા હતા. તેમજ આ પાર્ટીમાં કેટલીક મહિલાઓ પણ નશાની હાલતમાં ઝડપાઈ હતી. જે બાદ પોલીસ દ્વારા ઝડપાયેલા પુરૂષ તેમજ મહિલાઓને બ્લટ ટેસ્ટ માટે લઈ જવા આવ્યા હતા.
પોલીસ દ્વારા દારૂની મહેફિલ માણી રહેલ ૨૭૧ લોકોને એસએસજી હોસ્પિટલ ખાતે ટેસ્ટ માટે લઈ જવાયા હતા. જ્યાં ૨૭૧ લોકોમાંથી ૮૭ મહિલાઓ તેમજ ૮૩ પુરૂષો સહિત કુલ ૧૮૦ લોકોનો રિપોર્ટ નેગેટિવ આવ્યા હતા. જ્યારે ૭૮ પુરૂષ તેમજ ૫૦ સ્ત્રી મળી કુલ ૧૨૯ વ્યક્તિઓનાં બ્લડ રિપોર્ટ પોઝિટિવ આવ્યો હતો. જે બાદ એલસીબી દ્વારા તેઓની સામે ગુનો નોંધી કાયદેસરની કાર્યવાહી હાથ ધરવામાં આવી હતી. જે બાદ સમગ્ર મામલો કોર્ટમાં પહોંચતા કોર્ટે ૮ વર્ષ બાદ તમામ આરોપીઓને નિર્દોષ જાહેર કર્યા છે.
જાણવા મળતી માહિતી મુજબ રાજ્યનાં બહુચર્ચિત એવા અખંડ ફાર્મ હાઉસ કેસમાં પોલીસ દ્વારા તપાસમાં ઢીલાશ રાખી હોવાનું જાણવા મળી રહ્યું છે. જેમાં તમામ આરોપીઓનાં લોહીનાં સેમ્પલ ટેસ્ટ કરનાર એસએસજી હોસ્પિટલનાં તત્કાલીન ર્ડાક્ટર દ્વારા બેદરકારી દાખવી યોગ્ય પુરાવા રેકોર્ડ પર રજૂ ન થતા કોર્ટે ૧૨૯ આરોપીઓને નિર્દોષ છોડી મુકવાનો હુકમ કર્યો હતો.
આ સમગ્ર મામલે કોર્ટે નોંધ્યું કે, કેસની સુનાવણી દરમ્યાન કુલ ૪૨ સાક્ષી તમજ સાહેદોને કોર્ટે તપાસ્યા હતા. જેમાં પ્રથમ બે પંચ લાલજીભાઈ ભાઈલાલ ગોહિલ અને પ્રવીણભાઈ દલપતભાઈ ગોહિલે કોર્ટ સમક્ષ તૈયાર પંચનામામાં સહીઓ કરાવી હોવાનું જણાવ્યું હતું. તેમજ ૩૦ પોલીસ કર્મીનાં નિવેદનમાં પણ વિશ્વસનીતયા ન હોવાનું કોર્ટે નોંધ્યું હતું.પોલીસ દ્વારા પકડાયેલા તમામ આરોપીઓને એસએસજી હોસ્પિટલ લઈ જઈ તેઓનાં બ્લડ સેમ્પલ લેવામાં આવ્યા હતા. જે બ્લડ કેમ્પલને એફએસએલમાં મોકલતી વખતે બ્લડ સેમ્પલને યોગ્ય રીતે સીલ પણ કરવામાં આવ્યા ન હોવાની બચાવ પક્ષનાં વકીલ દ્વારા દલીલ કરવામાં આવી હતી. જેની કોર્ટે નોંધ લીધી હતી.
બચાવ પક્ષનાં વકીલ દ્વારા કોર્ટમાં ધારદાર દલીલો કરવામાં આવી હતી. જેમાં પોલીસ દ્વારા રેડ કર્યા બાદ જે કાર્યવાહી કરવાની હોય છે તે કાર્યવાહી કરી નથી જે દલીલને નામદાર કોર્ટ દ્વારા ધ્યાને લેવામાં આવી હતી. તેમજ નામદાર કોર્ટ દ્વારા પોલીસ દ્વારા જે પુરાવા રજૂ કરાયા છે. તેમાં પકડાયેલા લોકોની શારીરિક સ્થિતિનું વર્ણન કરાયું નથી.
