Mumbai,તા.૨૩
૧૯૮૫માં સુપ્રીમ કોર્ટનો શાહબાનો કેસનો ચુકાદો ભારતમાં સૌથી વધુ ચર્ચિત અને વિવાદાસ્પદ ચુકાદાઓમાંનો એક છે. આ વર્ષે આ નિર્ણયના ૪૦ વર્ષ પૂર્ણ થાય છે. હવે આના પર એક ફિલ્મ બનવા જઈ રહી છે, જેનું દિગ્દર્શન સુપર્ણ વર્મા કરશે.શાહ બાનો કેસથી પ્રેરિત એક ફિલ્મ બની રહી છે, જેનું દિગ્દર્શન સુપર્ણ વર્મા કરી રહ્યા છે. યામી ગૌતમ અને ઇમરાન હાશ્મી મુખ્ય ભૂમિકામાં જોવા મળશે. ફિલ્મનું શૂટિંગ લખનૌમાં પૂર્ણ થઈ ગયું છે.
વડા પ્રધાન નરેન્દ્ર મોદી અને ગૃહમંત્રી અમિત શાહ જેવા નેતાઓ ઘણીવાર શાહ બાનો કેસને કાનૂની સુધારા અને સમાન નાગરિક સંહિતા માટે એક વળાંક તરીકે વર્ણવે છે. ૪૦ વર્ષ પહેલાં, શાહબાનોના અવાજે દેશને હચમચાવી નાખ્યો હતો. હવે તે અવાજ ફિલ્મ દ્વારા લોકો સમક્ષ આવશે.
૧૯૭૮માં, ૬૨ વર્ષીય શાહ બાનો પાંચ બાળકોની માતા હતી. તેણીએ તેના પતિ મોહમ્મદ અહેમદ ખાન વિરુદ્ધ સુપ્રીમ કોર્ટમાં કેસ દાખલ કર્યો. તેના પતિએ તેણીને ત્રણ તલાક આપીને છૂટાછેડા આપી દીધા અને મુસ્લિમ પર્સનલ લોનો હવાલો આપીને તેણીને ભરણપોષણ આપવાનો ઇનકાર કરી દીધો. શાહબાનોએ કાયદાની કલમ ૧૨૫ હેઠળ ભરણપોષણની માંગણી કરી. સાત વર્ષની લાંબી લડાઈ પછી, સુપ્રીમ કોર્ટે ૧૯૮૫માં તેમના પક્ષમાં ચુકાદો આપ્યો. કોર્ટે કહ્યું કે આ કાયદો બધા નાગરિકોને લાગુ પડે છે, પછી ભલે તેમનો ધર્મ કોઈ પણ હોય. આ પછી, રાજીવ ગાંધી સરકારે ૧૯૮૬ માં એક કાયદો પસાર કર્યો, જેણે આ નિર્ણયને નબળો પાડ્યો. આ મુદ્દાઓ આજે પણ ચર્ચા હેઠળ છે.
