આલિયાવાડાજામનગર બ્રોડગેજ ડબલિંગ રેલખંડ પર પેસેન્જર રેલ સેવાઓને અપાઈ મંજૂરી, ૧૨૩ કિમી/કલાકની ઝડપે સ્પીડ ટ્રાયલ સફળતાપૂર્વક સંપન્ન
Rajkot તા.૮
રેલવે સેફ્ટી કમિશનર (પશ્ચિમ પરિમંડળ) શ્રી ઈ. શ્રીનિવાસે પશ્ચિમ રેલવેના રાજકોટ ડિવિઝન અંતર્ગત આલિયાવાડાજામનગર બ્રોડગેજ ડબલિંગ રેલખંડ પર પેસેન્જર રેલ સેવાઓના સંચાલનને સંરક્ષા મંજૂરી પ્રદાન કરી દીધી છે.
રાજકોટ ડિવિઝનના સિનિયર ડિવિઝનલ કમર્શિયલ મેનેજર શ્રી સુનીલ કુમાર મીનાના જણાવ્યા અનુસાર, રેલવે સુરક્ષા કમિશનર દ્વારા આ ડબલિંગ રેલખંડનું ૭ ઓગસ્ટ ૨૦૨૬ના રોજ વિસ્તૃત વૈધાનિક સુરક્ષા નિરીક્ષણ કરવામાં આવ્યું હતું.
આલિયાવાડાજામનગર નવનિર્મિત બીજી રેલ લાઇન પર પહેલીવાર ૧૨૩ કિમી/કલાકની ઝડપે ઇલેક્ટ્રિક લોકોમોટિવ (એન્જિન) અને ઓબ્ઝર્વેશન કાર સાથે સફળ સ્પીડ ટ્રાયલ કરવામાં આવ્યો, જે સુરક્ષિત અને ઝડપી રેલ સંચાલનની દિશામાં એક મહત્વપૂર્ણ સીમાચિહ્નરૂપ છે.
પશ્ચિમ રેલવેના રાજકોટ ડિવિઝનમાં રાજકોટકાનાલુસ બ્રોડગેજ ડબલિંગ પ્રોજેક્ટ અંતર્ગત આલિયાવાડાજામનગર ૧૯.૫૩૭ કિમી લાંબા બ્રોડગેજ ડબલિંગ રેલખંડનું ૦૭ ઓગસ્ટ ૨૦૨૬ના રોજ સફળતાપૂર્વક કમિશનિંગ કરવામાં આવ્યું. આ ઉપલબ્ધિ સાથે જ કુલ ૧૧૧ કિમી લાંબા રાજકોટકાનાલુસ ડબલિંગ પ્રોજેક્ટમાં અત્યાર સુધી ૮૪ કિમી રેલખંડનું ડબલિંગ કાર્ય કમિશન થઈ ચૂક્યું છે.
આ દરમિયાન મુખ્ય વહીવટી અધિકારી (નિર્માણ) શ્રી પ્રદીપ ગુપ્તા, રાજકોટ ડિવિઝનલ રેલવે મેનેજર શ્રી ગિરિરાજ કુમાર મીના સહિત નિર્માણ અને ઓપન લાઇન વિભાગોના વરિષ્ઠ અધિકારીઓ ઉપસ્થિત રહ્યા હતા. નિરીક્ષણ, રેલવે પ્રશાસન દ્વારા રજૂ કરાયેલા સુરક્ષા પ્રમાણપત્રો અને રેલવે અધિનિયમ, ૧૯૮૯ની જોગવાઈઓ મુજબ તમામ આવશ્યક ઔપચારિકતાઓ સંતોષકારક મળી આવ્યા બાદ રેલવે સુરક્ષા કમિશનરે આ ડબલિંગ રેલખંડ પર જાહેર પેસેન્જર સેવાઓના સંચાલનની પરવાનગી આપી છે.
મંજૂરી અનુસાર નવનિર્મિત રેલલાઇન પર ટ્રેનોની મહત્તમ સેક્શનલ સ્પીડ આલિયાવાડાહાપા રેલખંડ પર ૧૦૦ કિમી/કલાક અને હાપાજામનગર રેલખંડની નવી ડાઉન તેમજ અપ મેઇન લાઇન પર ૯૦ કિમી/કલાક નિર્ધારિત કરવામાં આવી છે.
આ ડબલિંગ કાર્યથી રાજકોટજામનગરકાનાલુસ માર્ગની લાઇન ક્ષમતામાં વધારો થશે અને ટ્રેનોના વધુ સરળ અને કાર્યક્ષમ સંચાલનમાં મદદ મળશે. આ સાથે જ આ મહત્વપૂર્ણ રેલમાર્ગ પર ભવિષ્યમાં ટ્રાફિકની વધતી માંગને પૂરી કરવા તેમજ પરિચાલન દક્ષતા અને વિશ્વસનીયતામાં સુધારો કરવામાં પણ મહત્વપૂર્ણ લાભ થશે.
