Washington,તા.11
તુર્કીમાં યોજાયેલી નાટો-સમીટમાં હાજરી આપવા તુર્કીના પાટનગર અંકારા ગયેલા અમેરિકાના પ્રમુખ ડોનાલ્ડ ટ્રમ્પ પર પાડોશમાં ઈરાનમાંથી ટ્રમ્પના કાફલા કે વિપક્ષ પર હુમલો થઈ શકે છે તેવા ગુપ્તચર સંદેશના પગલે અમેરિકી પ્રમુખને સલામત રીતે તુર્કીની બહાર લઈ જવાનો પડકાર હતો.
તે અમેરિકી સુરક્ષા એજન્સીઓએ બેખૂબીથી પાર પાડયો હતો. ઈરાન-તુર્કી 534 કીમીની લાંબી સરહદ ધરાવે છે. એટલું જ નહી યુદ્ધના પગલે અમેરિકા-ઈઝરાયેલ જે રીતે ઈરાનના ટોચના નેતૃત્વને ખત્મ કરવા જે હુમલા કર્યા તેમાં આયાતોલ્લા ખામેનેઈ તથા અનેક ટોચનું નેતૃત્વ ખત્મ થયું હતું અને ખામેનેઈના મોતના પગલે બદલો લેવાનો આક્રોશ સર્જાયો હતો.
જો કે ઈરાનના કોઈ પણ મિસાઈલ કે પ્રહાર ક્ષમતા એટલી નથી કે તે 12000 કીમીથી વધુ અંતરે આવેલા અમેરિકા પર હુમલો કરી શકે પણ પ્રમુખ ટ્રમ્પ પાડોશી તુર્કીમાં આવ્યા હતા તો સંભવ છે. ટ્રમ્પના કાફલા-વિમાન પર 2000 કીમીની પ્રહાર કરતા મિસાઈલથી હુમલો કરી શકે છે.
તેથી ટ્રમ્પ છેક તુર્કી પહોંચ્યા તે અત્યંત ગુપ્ત રખાયુ પણ પરત જતા સમયે મોટો પડકાર હતો. વાસ્તવમાં ટ્રમ્પને તુર્કીના પાટનગર અંકારાથી પરત જતા સમયે તેઓ એક નાના જૂના બેબી-બ્લુ તરીકે ઓળખાતા એરફોર્સ વનમાં સવાર થતા દર્શાવાયા પણ તે ફકત `કવર’ હતુ પણ ટ્રમ્પને બાદમાં એક એરપોર્ટ કેટરીંગ વેનમાં બેસાડી દેવાયા.
વિમાનની અંદરથી જ તેઓ સાથે જોડાયેલી આ કેટરીંગ વેનમાં ગયા અને બાદમાં બેબી એરફોર્સ વન રવાના થયું પણ ટ્રમ્પ તેમાં ન હતા. ટ્રમ્પ પાસે એક અમેરિકી મીલીટ્રી પ્લેન સી-32-એ માં આ કેટરીંગ વેનમાંથી સવાર થયા અને આ વિમાન ત્યાંથી રવાના થઈને સીધુ બ્રીટનના ડીયાગો પોર્ટ પર પહોંચ્યુ જેમાં પ્રમુખનું એરફોર્સ વન તૈયાર હતું. જેમાં બેસી ટ્રમ્પ અમેરિકા જવા રવાના થયા.
આમ તુર્કી છોડીને ઈરાનની મિસાઈલ ક્ષમતાની બહાર સલામત કરાયા હતા. આ માટે ટ્રમ્પને જે કતારના શાસકે જે નવું વિમાન ભેટમાં આપ્યું તેનો પણ રીટર્ન જર્નીમાં ઉપયોગ થયો નહી પણ એરફોર્સ વનને સ્ટેન્ડબાય રખાયું હતું.
અમેરિકી યુદ્ધનું એરફોર્સ વન અનેક સુરક્ષા પ્રણાલી ધરાવે છે પણ તુર્કીથી બ્રિટનના એરવેઝ પહોંચાડવા જે વિમાનનો ઉપયોગ થયો તે આધુનિક સુરક્ષા ધરાવતુ ન હતું. તેના કોમ્યુનીકેશનમાં ખાસ સીસ્ટમ ન હતી પણ થોડા સમયના અંતર માટે ઉપપ્રમુખ જે.ડી.વેન્સને વોશિંગ્ટનમાં એલર્ટ રખાયા હતા જેથી કઈ અણધારી સ્થિતિમાં તમો નિર્ણય લઈ શકે.
રસપ્રદ બાબત એ છે કે, ટ્રમ્પ સાથે જે પત્રકારો પ્રવાસ કરતા હતા તેઓને એરફોર્સના જૂના વિમાનમાં ટ્રમ્પ તેમની સાથે જ છે તેવો ભ્રમ હતો અને બહું ઓછા લોકો જાણતા હતા કે ટ્રમ્પ વિમાનમાં નથી. થોડા દિવસ બાદમાં જયારે એક રિપોર્ટરે ટ્રમ્પને આ સવાલ પૂછયો તે જવાબ આપતા કહ્યું કે જો હું મર્યો હોત તો તમે પણ મર્યા હોત. બરોબરને તેમ કહી સ્મિત કર્યુ હતું.
જો હું મર્યો હોત તો તમે પણ.. બરાબરને! ટ્રમ્પે કહ્યું
અમેરિકી પ્રમુખ તેમના પ્રવાસમાં પત્રકારોને સાથે રાખતા હોય છે પણ તુર્કીથી રિટર્ન જર્નીમાં જયારે ટ્રમ્પ પર જોખમ હતું તો તેઓને જૂના લશ્કરી વિમાનમાં પ્રવાસ કરાવામાં અને પત્રકારો ટ્રમ્પના મુળ વિમાનમાં હતા પણ કોઈને ખ્યાલ ન હતો કે ટ્રમ્પ તેમની સાથે નથી.
જયારે બાદમાં વોશિંગ્ટનમાં ટ્રમ્પને આ અંગે પુછાયું તો તેઓએ કહ્યું કે જો મારા વિમાન પર હુમલો થયો હોત અને હું મર્યો હોત તો તમે પણ… કારણ કે તમે પણ મારી સાથે હોઈ શકત… બરાબરને… તેમ કહી સૌની સામે સ્મીત કર્યુ હતું.
