Mumbai,તા.26
એક્ટ્રેસ કૃતિ સેનન તાજેતરમાં એક જ્વેલરી બ્રાન્ડની રક્ષાબંધનની વિજ્ઞાપનમાં પોતાના પહેરવેશ અને નેકલાઇનને કારણે સોશિયલ મીડિયા પર સખત ટ્રોલ થઈ રહી છે. કેટલાક લોકો તેની નેકલાઇનને લઈને આકરા પ્રહારો કરી રહ્યા છે, તો બીજી તરફ ઘણા યુઝર્સ તેના સમર્થનમાં પણ આવ્યા છે. રક્ષાબંધન જેવા તહેવાર પર આ પ્રકારના કપડાં પહેરવાને લઈને શરૂ થયેલો આ વિવાદ હવે બોલિવૂડથી લઈને રાજકારણ સુધી પહોંચી ગયો છે.રાહુલ ગાંધીના આ નિવેદન બાદ ભાજપના સાંસદ અને એક્ટ્રેસ કંગના રાણાવતે ઇન્સ્ટાગ્રામ સ્ટોરી દ્વારા રાહુલ ગાંધી પર જોરદાર નિશાન સાધ્યું હતું. કંગનાએ પોતાની સ્ટોરીમાં એક કાર્ટૂન શૅર કર્યું હતું જેમાં એક છોકરો પિતૃસત્તા ખતમ કરવાની વાત કરે છે અને છોકરી તેને રોકીને કહે છે કે “બ્રો, રોકો, ભારત માતા કી જય શરૂ કરીએ”.બીજી તરફ ભાજપે પણ પોતાના X હેન્ડલ પર પોસ્ટ કરીને રાહુલ ગાંધીની ટીકા કરી હતી. ભાજપે આક્ષેપ કર્યો કે જ્યારે મનુસ્મૃતિ અને હિંદુ મહિલાઓની વાત આવે ત્યારે રાહુલ ગાંધી પિતૃસત્તા ખતમ કરવાની વાત કરે છે, પરંતુ જ્યારે હિજાબ અને અબાયાની વાત આવે છે ત્યારે એ જ સિદ્ધાંત અચાનક તેમની પસંદગીની આઝાદીમાં બદલાઈ જાય છે. ભાજપે સવાલ પૂછ્યો હતો કે શું રાહુલ ગાંધીની પિતૃસત્તા સામેની લડાઈ માત્ર પસંદગીની અને ધર્મ આધારિત છે? જો તેમનો ધ્યેય મહિલા સશક્તિકરણ હોય તો ધર્મથી પર થઈને દરેક મહિલા માટે એક જ માપદંડ હોવો જોઈએ.
