ટાળીને પરિણીતાએ પોલીસ ફરિયાદ નોંધાવતા ચાંદખેડા પોલીસે ગુનો નોંધી તપાસ હાથ ધરી
Ahmedabad, તા.૧૩
શહેરમાં રહેતી પરિણીતાએ તેના પતિ અને સાસુ સામે પોલીસ ફરિયાદ નોંધાવી છે. લગ્ન બાદ પરિણીતાને પ્રેગ્નન્સી ન રહેતા સાસુ અને પતિ માર મારીને ત્રાસ ગુજારતા હતા. બંનેએ ભેગા મળીને તાંત્રિક વિધિ કરાવીને કોઇ પાવડર પીવડાવવાની કોશિશ કરી હતી. પરિણીતાએ પાવડર ન પીતા તેને મારવાનો પતિએ પ્લાન બનાવ્યો હતો.
કંટાળીને પરિણીતાએ પોલીસ ફરિયાદ નોંધાવતા ચાંદખેડા પોલીસે ગુનો નોંધી તપાસ હાથ ધરી છે. ચાંદખેડામાં રહેતી ૩૨ વર્ષીય મહિલા કિડની હોસ્પિટલમાં નોકરી કરે છે. તેણે વર્ષ ૨૦૧૮માં સરદારનગરમાં રહેતા યુવક સાથે લગ્ન કર્યા હતા. લગ્ન બાદ પરિણીતાને પ્રેગ્નન્સી રહેતી ન હોવાથી સાસુ મ્હેણાંટોણાં મારીને ત્રાસ આપતી હતી. પતિ પણ મકાન લેવા માટે પિયરમાંથી પૈસા લાવવા દબાણ કરતો હતો. સાસુ અને પતિ ઘરનો ખર્ચ ઉપાડવા દબાણ કરીને સતત ત્રાસ ગુજારતા હતા. પરિણીતાના પતિએ ઓએનજીસીમાં નોકરી મેળવવા પિયરમાંથી ૨૫ લાખ લઇ આવવા પરિણીતાને દબાણ કર્યું હતું.
જો પરિણીતા નાણાં ન લાવે તો તેને જીવવું હરામ કરી દેવાની ધમકી આપવામાં આવતી હતી. જ્યારે પરિણીતા કોરોના સમયે ડ્યૂટી કરીને આવતી ત્યારે સાસુ અને પતિ આભડછેટ જેવું વર્તન કરતા હતા. એક પ્રસંગમાં વિધિ કરવા જેવી બાબતે સંબંધીઓના દેખતા પતિ અને સાસુએ માર માર્યો હતો. પરિણીતાને પ્રેગ્નન્સી રહેતી ન હોવાથી પતિ અને સાસુએ તાંત્રિક વિધિ કરાવી હતી. બાદમાં પાવડર પીવડાવવાની કોશિશ કરતા પરિણીતાએ પાવડર ન પીતા પતિએ મારવાનો પ્લાન બનાવ્યો હતો. આટલું જ નહીં, વાળ પકડીને માર મારીને પરિણીતાના બચતના નાણાં બળજબરીપૂર્વક પડાવીને બાઇક લઇ આવ્યો હતો. કંટાળીને પરિણીતાએ પોલીસને અરજી આપ્યા બાદ આ મામલે ચાંદખેડા પોલીસે ગુનો નોંધી તપાસ હાથ ધરી છે.
