સવારથી ૧૩૦ કિમી/કલાકની ઝડપે શરૂ થશે ટ્રાયલ રન; ૪ નવેમ્બરે થશે અંતિમ સ્પીડ ટેસ્ટ
Rajkot તા.૧ઃ
પશ્ચિમ રેલવેના રાજકોટ ડિવિઝન દ્વારા રેલ સેફ્ટી અને સંચાલન ક્ષમતાને વધુ સુદ્રઢ બનાવવાના દિશામાં મહત્વપૂર્ણ પગલું ભરતાં રાજકોટકાનાલુસ ડબલિંગ પ્રોજેક્ટ અંતર્ગત જામવંથલીઅલિયાબાડા રેલ સેક્શનની નવનિર્મિત રેલવે લાઇન પર ૨ નવેમ્બર, ૨૦૨૬ની સવારથી ૧૩૦ કિલોમીટર પ્રતિ કલાકની ઝડપે ટ્રાયલ રન શરૂ કરવામાં આવશે.
આ જ ક્રમમાં ૪ નવેમ્બર, ૨૦૨૬ના રોજ રેલવે સેફ્ટી કમિશનર પશ્ચિમ સર્કલ, મુંબઈ દ્વારા નવનિર્મિત રેલવે લાઇનનું સેફ્ટી નિરીક્ષણ અને સ્પીડ ટેસ્ટ કરવામાં આવશે. આ નિરીક્ષણ સવારે ૦૮૦૦ વાગ્યાથી રાત્રે ૨૦૦૦ વાગ્યા સુધી નિર્ધારિત છે. આ દરમિયાન રેલવે લાઇનની સેફ્ટી, સ્થિરતા અને તકનીકી માપદંડોની ઝીણવટભરી તપાસ કરવામાં આવશે, જેથી ઊંચી ઝડપે સુરક્ષિત અને સરળ રેલ સંચાલન સુનિશ્ચિત કરી શકાય.
Rajkot ડિવિઝનના સીનિયર ડિવિઝનલ કોમર્શિયલ મેનેજર શ્રી સુનિલ કુમાર મીનાએ જણાવ્યું કે સ્પીડ ટ્રાયલ ઇલેક્ટ્રિક લોકોમોટિવ ( એન્જિન) સાથે ઓસિલેશન મોનિટરિંગ સિસ્ટમ ની મદદથી કરવામાં આવશે. આ પ્રણાલી દ્વારા રેલ એન્જિનના ઓસિલેશન અને ગતિશીલ પ્રવૃત્તિઓ પર નજર રાખીને ૧૩૦ કિમી/કલાકની ઝડપે સુરક્ષિત રેલ સંચાલનની યોગ્યતાનું મૂલ્યાંકન કરવામાં આવશે.
રેલવે સેફ્ટી કમિશનર તરફથી જરૂરી મંજૂરી મળ્યા બાદ આ નવી લાઇન પર નિયમિત રેલ સંચાલન શરૂ કરી દેવામાં આવશે. આનાથી સેક્શનની સંચાલન ક્ષમતામાં વધારો થશે અને મુસાફરોને વધુ સુગમ મુસાફરીની સુવિધા મળશે.
નાગરિકોને વિશેષ અપીલઃરેલવે પ્રશાસને નાગરિકોને અનુરોધ કર્યો છે કે જામવંથલીઅલિયાબાડા સેક્શનમાં ૨ નવેમ્બરથી જ ૧૩૦ કિમી/કલાકની ઝડપે ટ્રાયલ રન શરૂ થઈ રહ્યા છે, તેથી રેલવે ટ્રેકથી સુરક્ષિત અંતર જાળવી રાખે અને તેની આસપાસ કોઈપણ પ્રકારની અવરજવર ન કરે. ટ્રેક ક્રોસ કરવો અથવા તેની નજીક જવું અત્યંત જોખમી અને જીવલેણ સાબિત થઈ શકે છે. નાગરિકો સેફ્ટી નિયમોનું પાલન કરે અને સુરક્ષિત રેલ સંચાલનમાં રેલવે પ્રશાસનને સહયોગ આપે.
