કાનૂની ગતિ મર્યાદા કરતા લગભગ બમણી ઝડપે ડ્રાઇવ કરી રહ્યો હતો આકાશ પટેલની ધરપકડ કરવામાં આવી
New York,તા.૧૭
હિલ્સબોરો કોમ્યુનિટી કોલેજ બોર્ડ ઓફ ટ્રસ્ટીઝના ભારતીય મૂળના સભ્ય અને બિઝનેસમેન આકાશ પટેલને ડ્રિન્ક એન્ડ ડ્રાઇવ મોંઘું પડી ગયું છે. તેમના વકીલનું કહેવું છે કે આકાશ પટેલને આ કેસમાં પ્રોબેશન પર રહેવું પડી શકે છે અને સૌથી ખરાબ સ્થિતિમાં તેને જેલમાં રહેવું પડી શકે છે.
આકાશ પટેલ એક બિઝનેસમેન છે અને સમાજમાં જાણીતા છે. આકાશ પટેલ પર લગભગ બમણી સ્પીડ લિમિટમાં ડ્રાઇવિંગ કરવાનો આરોપ છે. જેના કારણે ટેમ્પા પોલીસે આકાશ પટેલને અટકાવી તેની ધરપકડ કરી હતી. પટેલ માત્ર ૐઝ્રઝ્રમાં જ નહીં પરંતુ હિલ્સબોરો કાઉન્ટીના અર્લી લર્નિંગ ગઠબંધન અને અન્ય કેટલાક સ્થાનિક બોર્ડમાં પણ બોર્ડ અધ્યક્ષ તરીકે સેવા આપે છે. આમ, સ્થાનિક સમુદાયોમાં ખૂબ જ જાણીતા અને હાઇ પ્રોફાઇલ હોવા છતાં, તેણે કાયદાનું ઉલ્લંઘન કર્યું છે.
આકાશ પટેલે અગાઉના એક ઈન્ટરવ્યુમાં કહ્યું હતું કે, મને લાગે છે કે આગામી પેઢીનું નેતૃત્વ કરવા માટે નવા નેતૃત્વ તરફ આગળ વધવાનો સમય આવી ગયો છે. આકાશ પટેલ હિલ્સબોરો કાઉન્ટીના નેતાઓમાં એક પરિચિત ચહેરો છે. આકાશ પટેલ બિઝનેસ ડેવલપમેન્ટ કન્સલ્ટિંગ ફર્મ એલિવેટના સ્થાપક છે. તેમણે રાજકારણમાં પણ હાથ અજમાવ્યો છે. ગવર્નર રોન ડીસેન્ટિસે ૨૦૨૧માં પટેલને હિલ્સબોરો કોમ્યુનિટી કોલેજ બોર્ડ ઓફ ટ્રસ્ટીઝમાં નિયુક્ત કર્યા હતા. આકાશ પટેલ ૨૦૧૮ માં રિપબ્લિકન તરીકે હિલ્સબોરો કાઉન્ટી કમિશન માટે અસફળ રીતે દોડ્યા હતા.
ટામ્પા પોલીસે જણાવ્યું હતું કે પેટ્રોલિંગ અધિકારીઓ ૨૮ ઓગસ્ટના રોજ સવારે ફરજ પર હતા ત્યારે તેઓએ આકાશ પટેલ દ્વારા ચલાવવામાં આવતી એક ઝડપી મ્સ્ઉ જોયો હતો. પોલીસે પટેલની ધરપકડ કરી અને તેમના સોગંદનામા મુજબ, અધિકારીએ અવલોકન કર્યું કે પટેલને “કારને એક લેનમાં જાળવવામાં અને કોઈ દેખીતા કારણ વગર કારને ધીમી અને ઝડપી કરવામાં મુશ્કેલી પડી રહી હતી.”અધિકારીએ પટેલને વેસ્ટ સાયપ્રેસ સ્ટ્રીટ અને નોર્થ લોઈસ એવન્યુના ચાર રસ્તા પર રોક્યા. અધિકારીએ જોયું કે પટેલ અસ્પષ્ટ બોલી રહ્યો હતો અને દારૂની ગંધ આવી રહી હતી. પટેલે પોલીસ અધિકારીને જણાવ્યું કે તે ટેમ્પામાં એક વર્ક ઈવેન્ટમાંથી પરત ફરી રહ્યો હતો અને તેણે ડ્રાઈવિંગ કરતા પહેલા દારૂ પીધો હતો. ફીલ્ડ સોબ્રીટી ટેસ્ટ અને બ્રેથલાઈઝર ટેસ્ટમાં જાણવા મળ્યું કે તે કાનૂની ગતિ મર્યાદા કરતા લગભગ બમણી ઝડપે ડ્રાઇવ કરી રહ્યો હતો. આકાશ પટેલની ધરપકડ કરવામાં આવી હતી, ડ્ઢેૈંં સાથે આરોપ મૂકવામાં આવ્યો હતો અને હિલ્સબોરો કાઉન્ટી જેલમાં લઈ જવામાં આવ્યો છે.
