Mumbai, તા.૨૪
‘રામાયણ’ના નિર્માતા નિતેશ તિવારી માટે બોક્સ ઓફિસની કમાણીની નજરે કપરો કાળ શરૂ થઇ રહ્યો છે. કુલ ૪૦૦૦ કરોડ રૂપિયાનું બજેટ ધરાવતી રામાયણના બંને ભાગે બ્રેકઇવન એટલે કે નહીં નફો નહીં નુકશાન સ્તરે પહોંચવા માટે અંદાજે કુલ દસ હજાર કરોડ રૂપિયાની કમાણી બોક્સ ઓફિસ પર કરવી પડશે તેમ જાણકારો માને છે.‘રામાયણ ભાગ ૧’નું બજેટ ૨૦૦૦ કરોડ રૂપિયા ગણીએ તો રામાયણને ઓપનિંગ દિવસે જ દેશમાં ૭૫-૧૦૦ કરોડ રૂપિયા અને વિદેશમાં ૧૫૦-૨૦૦ કરોડ રૂપિયાની કમાણી કરવી પડે તેમ છે. સામાન્ય રીતે અઢી ગણી કમાણી થાય તો ફિલ્મે બ્રેકઇવન કર્યું ગણાય, એ રીતે ‘રામાયણ ભાગ ૧’ને બ્રેકઇવન કરવા માટે દુનિયાભરમાંથી અંદાજે કુલ ૫૦૦૦ કરોડ રૂપિયાની કમાણી કરવી પડે તેમ છે.દેશમાં એડવાન્સ બુકિંગના મામલે ‘પુષ્પા ટુ’ ૯૧.૨૪ કરોડ રૂપિયાનો વિક્રમ ધરાવે છે તેની સામે ‘રામાયણ’ના એડવાન્સ બુકિંગના આંકડા અનુસાર હાલ અંદાજે આઠેક કરોડ રૂપિયાની ટિકિટો વેચાઇ છે. ફિલ્મને સફળ બનાવવા માટે સાઉથના માર્કેટમાંથી મોટી કમાણી કરવી જરૂરી છે. ‘પુષ્પા ટુ’ના ૯૧ કરોડના એડવાન્સ બુકિંગમાં પણ સાઉથનો હિસ્સો અંદાજે ૫૪ કરોડ રૂપિયા હતો.રામાયણના નિર્માતાઓએ ઓપનિંગ કલેક્શન માટે ૭૦ કરોડ રૂપિયાનો અંદાજ મુક્યો છે. અલબત્ત, આ આરંભિક અંદાજો છે અને વાસ્તવિક આંકડાઓ તો ફિલ્મ રજૂ થાય તે પછી જ જાણવા મળશે.
